حياكم الله حبيباتى وكل عام وانتم بخير وسعاده يا رب
اخواتى انا تعبانه نفسيا جدا من ظلم جوزى ومعاملته بلجأ لله فى كل شده واقول حسبى الله ونعم الوكيل
فى كل ظالم مانع عنى كل شىء ممكن خروج مصاحبه اى حد من الجيران ممنوع الباب يتفتح لحد ممنوع بلكونه تتفتح الدخول على مواقع التواصل الاجتماعى مبروحش لاهالى ممنوع اروح عند اى حد
ممنوع اشترى حاجه من الاخر زى لفى السجن وراضيه مستقوى عليه سب على اتفه الاسباب بيفضل على النت يتواصل مع البنات حب وغزل
ومانع عنى المعامله الكويسه او الكلمه الحلوه بيتلكك على اى شىء بيبصلى وهوا قرفان مع انى براعى ضميرى فيه وبخاف ربنا جدا
والحمد الله ملتزمه لكن هوا عامل تليفونه للبنات وقالى رقمك ميرنش عليه مبيدنيش فلوس ولو جاب حاجه بيبقى على قد العيال طب انا ايه مبيفكرش يشتريلى لبس او اروح لدكتور لو تعبانه الا لمااكون بموت سنانى كلها باظت وماشيه بالمسكنات وانا لسه عندى 35 سنه قاعد ل24 ساعه على الكمبيوتر هزار وضحك وماشى حياته البنات بيشتموه وهوا يرد ويتغزل فيهموحارم اهل بيته من الكلمه الحلوه ولو هزرت معاه وقلت اى كلمه على سبيل الهزار يقولى انتى متربيه ممكن يكلمبنت قدام ابنه عادى الوادمش صغير عنده 10 سنين انا تعبانه ووا علشان عارف انى ماليش حد بعد ربنا مستقوى عليا
واقوله انت بتستقوى عليا علشان ماليش حد بس ليا ربنا احسن من الكل يقولى بلاش كلام ال**** دا
انا رضيت بيه مع انه عنده اعاقه فى عنيه وقلت مش مشكله مش بأيده عمرى ما حسسته بالعجز ماشيه على قده مبحملوش فوق طاقته
انا اسفه كلامى متلخبط بس انا تعبانه منه ومن ظلمه حبسنى وحرمنى من كل شىء فى الدنيا وراضيه لكن هوا مش شايف
انه ظالم اقوله ادينى اى مصروف فى ايدى اشحن بيه يقولى لا طب هات 5 جنيه راضيه بيها يقولى ولا جنيه اقوله ميرضيش ربنا يقولى بس يرضينى
يشحن التليفون ويخلص رصيده على البنات وميهونش عليه يدينى التليفون اكلم امى
اعمل ايه محدش يقولى سيبيله البيت اصل ماليش حد اروحله واحنا ناس على قدانا جدا
اعمل ايه انصحونى وانا اسفه على عدم ترتيب كلامى

تم تعديل العنوان ليتناسب مع المضمون

__________________
تأَبّطْ في مَطافِ التَّوْبِ دَمْعَه ..
تفيَّأْ من هَجيرِ الذَّنْبِ جُمْعَه .
وأَدركْ إنَّما الأعْمارُ شَمْعه ..