السلام عليكم

عندي مشكله بتسبب لي انفصام في الشخصيه

والدي اقترب من الستين متزوج 2 أمي الأولى ومو مرتاح لا مع أمي ولا مع زوجته التانيه تفاجئت إنه صارحتي برغبته بالزواج
ومن أجنبيه ولازال يفكر وإذا سمعته يشتكي أقول معاه حق
وحالياً راح يضبط نفسه خارج السعوديه من أسنان وغيرها

إيش المشكله أمي😩
كلمتني وكلمت أخواني إنا ندبر لها شقه وبتنفصل عن والدي ع الاقل اذا ماحبينا ماتطلق طلاق ورق لكن مايتقابلو ماعاد تبغى تشوفه بعد مافكر يتزوج ولما أسمع كلامها أقول معاها حق

أخواني قالو لي أبويه معاه حق يعيش حياته وأمي معاها حق تحدد حياتها معاه
انا رح أدفع أكثر في قيمة الشقه أحلامي في فتح مشروع تناثرت بعد قرار أمي

الفلوس الي معايا من فلوس أبويه باع أراضي ووزع الأموال علينا عشان نستثمرها وأنا الوحيده الي لازالت الفلوس معاي ورح أدفع الحصه الأكبر لها سلمت أمري لله والعوض من ربي

لكن أمي رفضت نشاور والدي او حتى نفتح الموضوع معاه بعد زواجه تفاجئه بخروجها
مو معقول ياجماعه أبويه أقرب إنسان لي أجي من وراه وأشتري لأمي شقه
وأعرف لو فاتحته في الموضوع بيقول لا تشتروا لها بتهدأ

أكلم أخواني يقولو حتى لو هدئت الشقه بتكون لها وإحنا بنعوضك حتى نكون متساويين
أمي لما قلت لها خطأ يأمي أسوي دا الشيئ من وراه قالت كلمة صدمتني بتحتاجي أولادك بكره وماتتمني يكون هذا ردهم

أحترت أنا مسافره لهم كيف أقنع أخواني أمي مارح تقتنع

فكرت أقلهم خرجوني من الموضوع بدفع لكن قولو انكم انتو الي دفعتو بس أبويه ذكي ويعرف ميزانية أخواني وأخواني صح موظفين لكن صغار ماوصلو ال30

أعطوني آرائكم