حبيبتي كنافة الله يفرج همك من حيث لا تحتسبين

زوجك بس بشهر رمضان هيك عصبيته او دايما بباقي الاشهر ؟
من خلال فترة زواجك
هل اكتر اوقاته عصبية او نص نص او كيف بتصنفيها ؟
شو اللي بتحسيه بخليه يضل رايق من وجهة نظرك ؟
وبالنسبة لصراخه هل بيسهر للفجر وبينام بالنهار ؟
لانو هالشي بيخلي اقل صوت يسمعه يعمله صداع وهيدا ضرر النوم بالنهار والسهر بالليل
طيب مبرراته بس يهدأ شو
هل طبع فيه او في اسباب تانية ؟

هل لاحظتي انو بيحس بالنقص من دون ما يلمح وهل بيحب المدح الزايد الو ؟

بالنسبة للصلاة اكيد هالشي مهم واساسي وكل شخص بيتمنى يكون شريكه مش متهاون بعباداته وملتزم فيها من صغيرها لكبيرها
بس حسب ما بذكر من زمان صارت مشكلة لانك كنت تذكريه بالصلاة
وما وصلتي لحل معو
وما حطيتي شروط قبل ما ترجعي بالنسبة لصلاته بآخر مشكلة
وزوجك مش من النوع اللي بيقبل نصيحة بخصوصها
وممكن يعمل العكس
طيب يا لازم ما تهتمي اذا تهاون او لاء
بما انو مش تارك للصلاة
او بدك تضلك حارقة باعصابك وهو ولا همه
والافضل تسألي اهل العلم فيها
لانو ممكن نحنا ننصحك انو لازم تضلك تذكريه وآخر شي تكون سبب مشكلة كبيرة الا اذا كنت مقتنعة مية بالمية انو الحياة بيناتكن مستحيلة وما في امل تكملوا مع بعض
وكمان اذا نصحناك ما تذكريه وانو ربنا اللي بحاسبه ما بعرف حكم الشرع فيها
فالافضل تعرفي من اهل الاختصاص

دعواتي ترافقك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه