السلام عليكم ورحمه الله
بدون مقدمااااات احس اني مخنوووقه وضاقت الدنيا فيني مو لاقيه حل مع هالانسان وعجزت والله افهمه
قلت اذا حطيت مشكلتي ممكن القى مساعده برأي او فكره تفرج عني همي ..

صارت مشكله كبيييره بيني وبين زوجي وكنت مخطئه فيها والسبب الي تعبت وانا اترجاه يغير هالطبع فيه هو الاستفزاز يحب يستفزني وبلمقابل يتعامل مع رده فعلي بكل برود وينتظر متى تجيني جلطه واموت ولايحرك ساكن
صارت حياتي كلها تبريرات لازم كل تصرف اجلس اشرحه واحلف وشوفو نفسيتي وانا صادقه واحلف وهو بكل برود يقول كلامك مايمشي معي ولاتتعبين نفسك ويطلع
صار عندي تراكمااااات ودايم اقوله خل نعيش حياه طبيعيه لاتحط كل تصرف مني تحت المجهر
والشي الادهى والامر ان كل تفاصيل حياتنا عند اهلي
ماعنده مشكله يكلمهم واحد واحد ويبدى مشوار الشكاوي والصبر وانه تعبان معي
وانا مليون مره واحب ع راسه وطلبته اي شي بينا
يكون خاص ولو فيه شي نحله بيننا
صارو اخواني يتذمرون اذا شافو رقمه وطبعا يخجلون انهم يصرفونه او مايسمعون لكلامه

الان لي حدود شهر ونص عند اهلي وجابني بطريقه مايرضاها احد كخدعه وطول الطريق واحنا بالطايره يسولف وامزح معه والوضع عادي ويجنن بييننا
واتفاجا بمجرد وصولنا انه تاركني وبيرجع رحلته بعد كم ساعه

الي صار اني الحين اتواصل معه ويكلمني عادي ويكل احترام واحاول اشوف الي بخاطره وليه تصرف كذا
يبغى شي واحد اني اقول انه ملااااااااااااااااااااااك
ملاك مو بشر مايغلط ولايتعمد يقهرني ولايكذب ولاشي

واقوله خلاص نحل المشكله بيننا وابشر بلي يرضيك
والي حسيت بنيته انه يجمع اخوالي واولادهم وعماني واولادهم واخواني ويبدى يتكلم عن كل شي بحياتنا ويحكمون بيني وبينه
وانا والله تعببببببت مهما كان الي بييني وبينه شي خاص وهو مو راضي يقتنع
رغم ان عمره 45 سنه وعنده عيال كبار من زوجته الاولى

ارجوكم كيف اتصرف وش الي بيخليه يرجعني بدون مايجمع اقاربي ويقول لهم ع كل صغيره وكبيره

تم تعديل العنوان ليتناسب مع المضمون