الاعضاء هنا قالوا يتركه سنتين فقط
ما قالوا تخلى عنه!


اخي
5 سنوات مازال صغير اتركه يشبع من امه
وخلال هذي السنتين جيبهم عندك عطلة نهاية الاسبوع
منها يتعودوا على بيتك وما يدخلوه بعدين وعمرهم ما شافوه بيستوحشوا منه
لكن اذا كل فترة او مناسبه عندك جبتهم ما بينصدموا اذا اخذتهم بعدين
لانهم متعودين عليه ويعتبروه بيتهم وهو كذلك

وقبل تنتهي السنتين لا تاخذ الولد فجاة بل مهد له
بان تطيل مدة بقاءه عندك بالتدريج
كل زيارة زد مدة بقاءه يوم وحسسه بان امه موجوده
باي وقت يقولك ابي ماما وده لها بدون تاخير
حتى يحس نفسيا ان امه موجوده وباي لحظه يطلبها بيلقاها

مره بعد مره بيصير من نفسه ما يطلب يروح لامه
الا في الاوقات اللي تكونوا حددتوها كزياره لامه
لانك طمنته بروحته لها كل ما اشتاق لها فعلم انها متاحه باي وقت
بالتالي ترتاح نفسيته ويريحك وينشا نشاة سويه باذن الله

وطبق نفس الكلام مع البنت اذا اقتربت من سن 7 سنوات
وحتى بعد ان يستقروا عندك لاااا تحسسهم ان امهم بعيده
بل كل ما شعرت انهم بحاجة لها ودهم عندها واتركهم يوم يومين
وتعال خذهم للملاهي بعدين لبيتك
حتى يحسوا ان الرجعه لبيتك ممتعه
لان قبلها فيه روحه للملاهي او حتى لو مشوار للبقاله يشتروا اي شي
المهم اربط رجعتهم لك بعد زيارة امهم باي شي حلو
لان رجعتهم للبيت فجاة بدون تسالي (ملاهي او العاب او مشتريات من البقاله)
بيجلسوا حزينين على امهم
لكن وجود شي ممتع بينسيهم خرجتهم من عند امهم

والله يعينك ويعينهم
واضح انك اب مهتم جزاك الله خير وكثر من امثالك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )