عطيتيه فرصة ورجعتي له وماتغير إلا زاد سوءاً ، إنفصلي عنه من دون طلاق ولاترجعين إلا بعد مايتعالج لو إنتي عاطفياً مو قادرة تتركينه ، أما لو عايفته الطلاق أرحم وإن كانه شاريك بيتعالج ويرجع يتقدم لك ، اللي بيقولك إصبري ماينضرب بدالك ولا عايش جو التوتر اللي عايشته ولايعاني معاناتك الكلام سهل ، إسئلي نفسك وش اللي مستفيده منه بجلوسك معه وأيش اللي راح تخسرينه لو تركتيه ، هل زوجك عنده رغبه بالعلاج ومستعد لكن يحتاج دعم وتشجيع ولا رافضه جملة وتفصيلاً ، هل مستعدة تعيشين باقي عمرك كذا؟ ، بنتك بتتربى في بيئه نظيفه هاديه ولا أجواء كلها توتر ومشاكل وخلافات؟ ، بتقدرين تحبين بنتك وتهتمين فيها وبتربيتها وإنتي نفسيتك تعبانه من المشاكل؟؟ ، لما تكبر وهي تشوف آثار الضرب عليك كيف بتكون نظرتها لأبوها وللرجال بشكل عام؟ ، الكلام والدموع واللحظات الحميمية ماتقدم ولا تأخر ، أنا طليقي كانت بينا لحظات كل ماذكرتها للآن أبتسم ، أتذكر ضحكنا ومزحنا وأشياء خاصة وله مواقف حلوه معي ، وتمسك فيني لما تركته وقالي كلام يذوب الصخر لكن هذا كله مايأثر بحياتي اللي يأثر سوءه معي وأذاه النفسي لي وأنا عارفه لو أستمريت معه بيجيني شي أكبر ولو أعترضت بيقول إنتي اللي رضيتي فيني ورجعتي ليه جايه تشتكين الحين ، وش فايدة الحب والكلام المعسول إذا الإحترام مفقود؟! .. وش فايدة إني أعيش مع زوج تعبانة منه نفسياً وجسدياً بس عشان قدام المجتمع أكون الزوجة المثالية اللي محافظة على بيتها الصبورة اللي تتحمل ، إحنا مو في فيلم عربي بالنهاية الزوج بيحس بغلطته ويتعدل ويرجع لزوجته ندمان إحنا عايشين بالواقع اللي يقولك إن رضيتي بهالوضع بتعيشين لآخر يوم في عمرك كذا ، الله يكون بعونك ويدلك على اللي فيه صلاح أمرك الحياة مع المدمنين مُتعبه ومايفهم هالشي إلا اللي عاشر مدمن سواء أب أو زوج أو أخ

__________________

وبدأت تحدي إنقاص الوزن الهدف إن شاء الله 55 كيلو