اشوف الزوجة الكذابة أو الشخصية الكذابة عموما تعاني من مشكلة نفسية ومتجذر فيها هذا الطبع من الصغر..

فيه الي يكذب كثيرا لكن فقط من أجل تجميل نفسه في عيون الاخرين عن طريق مدح نفسه ودراسته وعائلته وصفاته.. هذا مشكلته الاحساس بالنقص ويبحث عز المدح والاطراء باستمرار..


النوع الثاني برأيي يعاني من اضطراب ما بحيث انه يكذب بكل شي دون هدف معين..

أخت طليقي الكبرى،(فوق الخمسين) من هذا النوع.. سبحان الله.. الي نبهني حماتي! تقول بنتي كذابة من وهي صغيرة،، كانت تعمل مشاكل وهي صغيرة جدا، ولليوم لازالت تألف قصص وتحكي شغلات مو موجودة، وللأسف توقع بين الناس بهذا الاسلوب..

مابنسى بيوم من الايام رحنا لعندها ونمنا عندهم،، صارت هي تحكي ان بيتها مسكون، وبيشوفو شغلات بالبيت، اقزام طالعين من الحمام مثلا، وبناتها كمان يحكون، انهم يصحو وبتكون مرأة واقفة بالشباك، هذيك الليلة ما انساها متت من الخوف ونيموني بغرفة لحالي وزوجي ماكان موجود، ضليت قاعدة وما طفيت الضوء أبدا، خفت انام واصحى على المرأة الي جنب الشباك، خفت اروح عالحمام.. ليلة رعععب، بالاخير لما طلع الصبح رحت لعند حماتي ونمت جنبها هههه.. بعدين شرحتلي ان بنتها تعاني من الكذب وللأسف بناتها كمان صار هذا طبعهم...

مرت سنين وسألتهم مره قالو بيتهم عمره ماكان مسكون ولابحياتهم شافو شي!! يكذبون لدرجة ينسون كذباتهم..

الله يجيرنا واياك منهم

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم