السلام عليكم

الموضوع في بالي من مده وشفت رد لمهره الله يسعدها حمسني أكتبه ماقبل النوم

بتكلم عن نفسي لما أكون مهتمه جداً بأبنائي ألاقي زوجي يهرب ويبحث عن أسباب يتهرب فيها من مراجعته لدروسهم الى أبسط شي وهي الجلوس معاهم

واذا طنشت أنا أولادي وانشغلت بدراستي او بالبيت او اي شي ينبهه إني ماأقدر عليهم

أشوفه يجلس معاهم ويذاكر ويهتم
وبديت أزيد من جرعات التطنيش أمامه إني ماأأكل ولدي الصغير
ويسألني أكليه أتأفف وأوضح له إني تعبت منه ماياكل يوم عن يوم مجرد مانجلس ياخذ الولد في حضنه ويأكله ويحسب قديش ياكل ( مع العلم إنه في غيابه أأكل الصغير وماأهمله )
وصل مره لدرجة إنه يتصل علي ويقول تكفين قطعي الآن فواكه للاولاد ياكلوها جوعتيهم
طيب ليه الرجل مايحس بالمرأه ويساعدها شوي بأبنائه
والله حتى الأحضان لما يشوفني أحضنهم يهمل هذا الجانب ولما يشوفني أقسى عليهم يحن ويحضن

أنا حياتي مختلفه عن بقية النساء ربما تستخدم زوجة أخرى هذي الحيله
وتنقلب عليها ويتهمها بالإهمال ويحصل بينهم مشاكل كيف تقنعه بالمشاركه في المسؤليه !!
ومو معقوله أظل أمثل الإهمال عشان هو يهتم !!!

متى يشعر الرجل في مجتمعنا إنه عليه جزء من المسؤليه ؟؟