السلام عليكم ورحمة الله وبركاته..
عساكم بخير جميعا...

جايتكم اليوم وكلي ألم وحزن
حاسه بقهر لايعلمه إلا الله
اتمنى منكم الدعوات والتوجيه..

قبل كذا بمواضيعي تكلمت عن وضعي
وان زوجي يطول بغيبته وبالفتره الاخيره
صار يجلس عندي بس خمس ايام
وعند زوجته الاولى شهر ونص
تخيلوا كيف راح تكون النفسيه...تحت الصفر
يتعذر بظروفه مو قادر يصرف عليا انا واطفالي..
كيف أجل يصرف عليها وعلى عيالها واخوانها مسكنهم ببيته
من شدة تعبي النفسي اليوم قبل لايمشي
كلمته طلبت منه يراعي مشاعري
واني تعبت نفسيا من هالوضع مااقدر أتحمله
يرد علي باستحقار وباستهزاء
مافيه اي احترام او يعطيني ظهره ويقوم
او يغير الموضوع
اخر شي قلتله
لو مانت راضي تعطيني اذنك وتفهمني
اسفه راح تخليني اظطر ادخل ابوي بالموضوع
قال خير ان شاء الله تركني ونام
ثاني يوم سألته
كم محتاج فلوس عشان تجلس زياده خمس أيام
قال ألف ريال
قلتله معاي خذها واجلس قال طيب بجلس اربع ايام
سكت وطلع عنده شغل ورجع البيت
واحد ثاني وانا مستمره بسكوتي
بعد ماتغدى قال والله مدري امشي او اجلس
قلتله براحتك اللي تبي تسويه بكيفك
مع اني قلتلك الألف معاي بس انا عارفه الموضوع مو فلوس
قال لاتتفلسفين علي
جلست ألعب عيالي وسكت منه..
بنفس اللحظه قام يلم ملابسه دخلت عنده طلبت منه
يجلس لو يومين زياده
قال بينزل راتبه بكرا او بعده قلتله طيب تمام اجلس
وان نزل الراتب بيكون معاك فلوس
عطاني ظهره يقول ان شاء الله ويشيل ملابسه
قلتله انا اتكلم معاك قال ماتفهمين ولابتفهمين
وكلامي ع الفاضي
قلتله كلامي منطقي جلست بس خمس ايام
اجلس كمان يومين وقلتلك لو ع الفلوس معاي
وانت تقول راتبك بينزل قال افرضي مانزل الراتب قلتله مو مشكله وقتها انت معذور
وليش اصلا تتشاءم
قلب وجهه وسكت اتكلم معاه كمان طنشني
تركته ورحت اتصلت ع ابوي قلتله ترى زوجي ماشي وتعال عندي
نزل الوالد يوم شاف ابوي انصدم
دخل الغرفه يضبط اغراضه وترك ابوي ينتظره
بعدها جا جلس بدون احترام لوالدي طريقته مرا مافيها احترام
ابوي قاله ماشي توك جاي
انا ملاحظ الفترات الاخيره تمشي بسرعه عيالك محتاجينك الله يهديك
قال والله كل انسان وله ظروفه
ابوي مسكين ساااكت رد عليه زوجي
وكلامي أقوله قدامها وهي تسمع
لو بتصبر حياها ماتبغى
بسلامتها ومن بكرا اجيب ورقتها والعيال لو مابتتحملهم
اشيلهم اربيهم مع اخوانهم
ابوي انفجع قاله ليش انت ناشف وقاسي كذا
انا جاي استفسر منك ايش السالفه تقوم تجيب سيرة طلاق
قاله هذا كلامي ورجع يعيده
وقال البيت مو مرتاح فيه من يوم سكنته مادخلني ريال
طبعا =كذبه
قلتله لو البيت مو عاجبك انقلني بيت ثاني
مالي ذنب تحطني ببيت وتتركني قال ايش قال متضايق
واجلس انا معلقه عند اهلي بالشهر وزياده
قال ماجتني فلوس عشان انقلك=كذبه ثانيه
قال ابوي انا نفسيتي تعبانه ياعم وصحتي ماتتحمل
اي كلام زياده وحتى هيا شوفها تعبت نفسيتها
قاله ابوي نفسيتها لانك مو عندها
جالسه عند اهلها دايما
انت واجب عليك توازن بين الحرمتين
ترى مو زين هالشي
قال لابوي ماني مجبور اجلس وانا ماعندي
====الكذبه انه بينزل راتبه وانا قلتله خذ ألف ريال مني
ورفض
بعد هالموقف هل راح يكون صدق يبيني
بعد ماطلع ابوي
قلتله كلمة طلاق وتهديدك فيها
ترى نفسيتي ماتتحملها ويعتبرها اخر مرا تكررها علي
والله لو جبت سيرتها بعد كذا
مااجلس لك يوم زياده عطاني ظهره
شال اغراضه مشي بدون مايسلم
حتى على عياله..

ياناس مو قادره استوعب
انا صابره لي قريب السنه على هالوضع بالشهر يجي ست ايام اوخمس ويمشي
وكتبت موضوع قبل كذا أنه قرر لي اسبوع وهناك شهر
قال كذا العدل والحين يكذب يرميها بالفلوس
ويقولي لو ماعندي شغل ماراح اجي إلا عشان اشغالي
ونصحتوني وقتها ادخل اهلي ضروووري
لانه تمادى ومو راضي يضبط اي شي
هذا انا دخلت ابوي لحاله لسى ماجو اخواني
وسمع ابوي كلام زي الزفت
واهانني بتهديده اللي دايم اسمعه
كل زوجين يصير بينهم زعل ومشاكل
زوجي لو بنفسيتي اي شي افضفض له
يقطع كلامي يقول مو عاجبك روحي لأهلك
يبي يفتك من المسؤوليه..
وماهمه العيال..
تعبت جدا والله
والحين مسافر عندها مستحيل اتصل فيه
لو بس شاف اتصالي بيعتبرني خفت من الطلاق
واني غلطانه باللي سويته
يوم دخلت ابوي بالموضوع.مع اني مااشوفها غلط
وبالعكس ابوي يتكلم بالحسنى وبكل ادب
بس هوا اللي يستحقر كل شي
ويبي كل شي على مزاجه بدون اي اعتراض من احد

طريقته واسلوبه قبل لايمشي ووقت التفاهم مع ابوي
حتى ماتنازل واعترف بتقصيره ولاأعتذر حتى
حسستني أنه يدور الطلاق بأي طريقه
وبايعني
هل الزوجين كذا يصير بينهم او زوجي بجد بايعني
مو عارفه الحين ناوي على ايش
واصلا ماعاد يهمني وش اللي ممكن يصير

‎‏ تم تغير العنوان ليتناسب مع المحتوى