موضووووع لذيذ وظرييييف 😂
أكثر موقف ضحكني أرواح لما تشوف أخواتها التوأم وتخاف ليه في اثنين منهم ههههههههههههههههههههه كل ما أتذكر أضحك😂😂😂😂😂

ما حاسترسل كثير في المواقف أخاف أحد يقفطني من اللي يعرفني😅

**من ضمن مواقف الطفولة كنت ألعب مع أولاد عمي ولد بقدي وأخته أصغر مني وكان ولد خالهم يجي يلعب معانا فمدري ليه كنت أكرهه مع أنه الآدمي مسكين طيب وكنت أحرش عليه أولاد عمته يضربونه ويخاصمونه وأحيانا أنا وولد عمي نكون فريق وأخته وولد خالهم فريق ونتفق عليهم ونخرب لعبهم لأننا الكبار..وكل خميس لعبتنا نلف الحارة كلها ونكتشف طرق جيدة للرجعة كنا ننتظر كل خميس عشان نلعبها.
كنت أغلب الوقت مسنترة عند عيال ولد عمي أحيانا يتمشوا وأروح معاهم مستشفى سوق مدينة ألعاب كنت ناشبة لهم ما كان ناقصهم إلا يضموني في بطاقة العائلة😂😂😂
ولدهم الكبير صاحب زوجي طبعا هو أكبر مني بسنوات مرة جلس ويحكي لزوجي عني مواقفي معهم كب العشا عنده وحكاه عن صورة ليا وأنا صغيرة قاطة معاهم في التصوير بس الحمدلله ما وراها زوجي ولا كان صار يبتزني فيها ههههههههههههه قلتله لو شفتها يمكن يسير طلاق خلينا حبايب أحسن😂😂الحمدلله زوجي مايعرف عن طفولتي وخرابيطي شيء وإلا إيش يفكني من تعليقاته وشماتته.

**الموقف الثاني أخويا كان لما يشوف معايا عصير او شيبس يجي يقولي وش رأيك عندي لعبة اللي يقول أنشودة يأكل حبة من الشيبس ولا يشرب من العصير وانبسط أنا أنه حن عليا وبيلعب معايا ونبدأ اللعبة هو يقول سوالف من رأسه بس يلحنها وأنا مبهووورة بجمال الأناشيد اللي يقولها ولما يجي دوري ما يطلع معايا شيء هههههههه الزبدة دايم يطلع هو الفايز واكتشف نهاية اللعبة أن العصير والشيبس ما شاء خلصها و أنا اتحسر على حالي ما ذقتهم وما أتوب كل بعد فترة يلعب معايا نفس اللعبة وهو الفايز طبعا ههههههههه بس الحمدلله ما راح الدعم هباءا منثورا طلع اخويا شاعر متمكن تبارك الله الله يحفظه أقوله ما شاء الله طلعت نابغة في الشعر بس لا تنسى إني السبب بعد الله في تنمية الموهبة بسبة ذيك اللعبة😂😂😂😂

**أيام الإبتدائي قررت ما أكشف على ابن خالي هو أصغر أخوانه بس كلهم كبار أكبر مني بسنوات ، ما شاء الله الله أعطاه بسطة في الجسم فقررت ما اكشف عليه اكشف على كل الشباب حتى أخوانه اللي أكبر منه إلا هو مسكين مدري ليه هههههههههههههه جلست يومين بعدين طفشت وقت اللعب مع البنات في الشارع ورجعت اكشف عليه عشان أخذ راحتي في اللعب.

هذي أقل المواقف ظرافة لو أقول الباقي بنعرف😊
شكراً أسعد فتاة مواضيعك جميلة كجمال روحك🌷

__________________
سبحان الله وبحمده..سبحان الله العظيم