زوجي الغالي كسرني
[SIZE="5"]السلام عليكم
قصتي طويله مره وفيها تفاصيل كثيره بس بحاول اختصره بداية تزوجت قبل سنتين من زوج ولله الحمد كريم واخلاق معي وعشنا حياة حلوه بالرغم من بعض الامور اللي لابد منها لكن كنت زوجة اتغاضى واحب املى بيتي بالحب والفرح فمااكنت احب انكد على زوجي اول صدمه خفيفه شفت بعيوني اول يوم من زواجنا كنا نتفرج على مقطع بجواله وفجاءه وصل له على برنامج البي بي كلام من بنت هو ارتبك وحاول يصرف ويبعد جواله سويت نفسب ماشفت شيء وتغاضيت رغم اني بداخلي حسيت بوجع لكن قلت ممكن يكون تغير واكيد ناوي يفتح صفحه جديده بزواجه وبعد فتره بديت احس باشياء وكنت احاول المح له من غير مااجرح رجولته وكان معه ثلاث جوالات ولاعمري حاولت افتشها لاني حبيت اعيش معه بثقه وظروف دوامه استلامات وظروف اهله هو المسوول عنهم فكان دايم طالع وكان يطلع للاستراحه كثير ومع هذا ماكنت اوضح له شيء كنت اتحمل لاني احبه استقبله استقبال حلو واضحك معه لاني كنت اقول مضغوط ويحتاج يغير جو مع اصدقاءه يطلع يوميا لما الساعه 2واذا عنده اجازه لما بعد الفجر بديت اوضح له اني احتاج اجلس معه واشوفه طبعا يوعدني ويقول كلام حلو بس ماينفذ مع انه اذا جاء يطلع يسألني عادي اطلع والا ماتبين ارحمه واوقوله عادي خذ راحتك بس بعدين بداية اشك مع انه من زمان كنت اشوف اشياء لكن كنت اتغاضى وادعى ربي انه يهديه لكن هالمره تغير في اهتمامه فيني بداء يصرفني عند اهلي وقلت اتصالاته مع انه اول يكلمني بالساعات وصار يخليني عند اهلي مع اني كنت حامل مليت من وضعي وانا بالطريق جاي طفل كيف بيتحمل مسووليتنا وحت افتش بجواله ولقيت اشياء تموت عرفت انها يعرف بنات كثير قبل يتزوجني ومازال مستمر معهم وفي وحده متزوجه ومع هذا يطلع معها ويجيبها لبيتي انهرت كنت ابموت دخل علي وانا منهاره ماكنت اتخيل زوجي لهذي الدرجه توصل فيه الامور لاشياء كذا كنت اشوفه انه يعشقني ويخاف الله وماراح تكون له علاقات توصل لهدرجه وكنت احسه يخاف الله ماتوقعت الامور توصل فيه لانه يقابلهم انهرت ولما شافني كذا انهار معي وحاول ينكر مع انه كل الادله معه بس يحاول ينكر ويحلف انه يحبني وانه مافيه شيء بس جلست ايام طويله حزينه وهو حزن لحزني وحتى لدوامه اخذ اجازه وصار هو حزين معي رحت لاخصائيه اجتماعيه جلسات وكلمت زوجي وتناقش معه موضوعنا وعطته خير ان زوجتك كاشفه الحقيقه كلها مايحتاج تنكر طبعا اللي فهمته من الاخصائيه ان زوجي ماوده يعترف باللي سواه ويحاول ينكر وانه يحبني وانه فعلا بيتغير زوجك بعد اللي صار فطلبت مني احاول اتناسى الموضوع طبعا عشنا ايام انا وياه مابين لحظات حزن ولحظات ضحك هو صار يحس انه بيفقدني لانه طلبت منه اذا فكر في الحرام لايروح على الاقل يروح لاي وحده من الفاسقات اللي يبيهم بالحلال ويتزوجها وبنفس الوقت يطلقني ومافيه احد بيعرف باللي صار وقلت له اذا ماتبي نعيش مع بعض وماراح تصون حبنا خلينا ننفصل انهار مره وجلس يترجاني وجلس يصرخ ويقول لي ماابي الا انتي وحلف لي بالمصحف انه ماراح يخوني ابد وانه كان حاس اني ابطلب الانفصال ويترجاني انه مااقول كذا ابد بعد كذا بدينا نعيش حياتنا بس المشكله فيني صرت عايشه في للحظات اخاف واشك وندمت انه ليه لما صارت المشكله ماطلعت لبيت اهلي وجلست عندهم بعيد عنه مع انه اذا كان معي يدلعني ويهتم فيني انا وولده لكن اذا طلع وخصوصا لما يروم للاستراحه اخاف واشك لانه قبل كان يقضي اوقات طويله معهم بالمكالمات بالاستراحه واخاف يرجع يدخل احد بيتي واخاف عليه من العقاب في الاخره مازلت احبه واتمنى ربي يهديه ، صرت خايفه وصرت اشك احيانا انه مايحبني لانه قبل دور على غيري ومع هذا هالفتره صار يمسكني بقوه مع يدي دائما وكانه يحس انه بيفقدني ودائما يقولي وش اللي يرضيك ودائما يرسلي الله يخليك لي مازلت احبه واخاف عليه بس نفسيتي تعبانه من اللي صار واشك كثير جواله الثاني كان عندي حاطه وبعدين اخذه قال انه بيتصرف فيه ويسوى فيه اللي ابي انا طلبت منه يمسح كل شيء عندي ويتخلص منه بس بعد فتره ماسوى شيء ودورته لقيته في سيارته واخدته صح فتحته ومالقيت انه مكلم احد ومازال كل شيء نفسه ولما عرف طلب مني ياخذه لانه يبي يفرمته ويايبعه او يعطيه احد وانا بصراحه عايشه بشك والحين عندنا ولد ومتعلق فيه كثير ومااتمنى اتطلق لسببين لاني احبه وماابي اتخلى عنه بسهوله وعشان ولدي يعيش بينا تمنى اخواني الرجال هم يجابوني لانهم بيفهمون عقلية زوجي اكثر ابي افهم وش اسوى الحين وكيف اتعامل معه واتخلص من الشك وهل زوجي فعلا صادق بتوبته وفعلا يحبني او يتظاهر احيانا اقول انه صادق واحيانا اقول كيف بيتوب وهو ماتاب الا لماكشفته وكيف يحبني وهو خان ربه وخانني و جاب غيري لبيتي 💔الجرح اللي بداخلي جرح اكبر من اني اعبر عنه[/SIZE]
16-07-2017, 05:14 AM
ضوابط المشاركة
العرض الشجري