ساعدونى بالله عليكم
انا رجل مطلق من سنه ونصف تقريبا وعندى منها طفله عندما استحكم الامر بينا طلقتها وكنت اجهل سبب الطلاق
حاولت ارجاع طليقتى كذا مره ولكنها رفضت
واخر محاوله للصلح كانت من حوالى اربع اشهر قعدت انا وهيا واتكلمنا وعرفت منها سبب طلبها للطلاق وهو ان فى ناس قلولها كلام عنى كله كدب وللاسف صدقتهم وحاولت اثبتلها عكس كلامهم وواجهتها وقلتلها اذا جائكم فاسق بنبأ فتبينوا وحاولت اثبتلها العكس وهيا للاسف كانت شايفه انها مش غلطانه فى اى شئ وتفاهمنا واتفقنا على الرجوع والحياه بنا شكلها هيبىقى ايه وطمنتها
وقالتلى احنا كنا عايشين كويس ومفيش بنا مشاكل
وبعدين تدخل اهلها وحطوا شروط غريبه لا يقبلها رجل عاقل فرفضتها وهيا وقفت فى صفهم وفشل الصلح وانتهى الكلام بنا
احساسى انها عاوزه ترجع وعارفه انى انسان كويس بس اهلها بيلعبوا فى دمغها وبيحركوها وللاسف هيا بتسمع كلامهم وملهاش اى رده فعل يعنى عمرها ما هتاخد خطوه او تلمح برغبتها للرجوع بسبب اهلها وبسبب العناد والكبريا ومعندها حاجه اسمها اتنازل شويه عشان الحياه تمشى عندها انانيه اللى ادامى هوه اللى يضحى ويتنازل والغـــباء العامل الاكبر
زهقت من الانتظار ونفسى اعيش فى اسره ويبقالى بيت وزوجه بس حزين على بنتى وبفكر فيها دايما كل ما بشوفها كل اسبوع وخايف على مستقبلها
حابب طليقتى وخايف عليها وصعبانه عليا قوى قوى خاصتا انها محترمه وغلبانه وحياتنا كانت كويسه وعمرى ما بهدلتها ولا جرحتها برغم كل اللى حصل منها من محاكم وحرمانى من بنتى فتره طويله والافتراءت اللى اتقالت فى حقى
كل مشوف عروسه جديده قلبى بيبقى مقبوض وافتكر بنتى وطليقتى وهيا ولا على بالها
كل اللى حواليا بيقولولى شوف حياتك دى متستهلكش دى مش هتتغير دى مش حاسه بغلطها ولا ندمت
مشكلتى مش ماديات انا حاسس انى فى نص الطريق لا عارف ارجع لطليقتى ونربى بنتنا ولا عارف ابداء حياه جديده واكمل حياتى بس تصعب عليا بنتى وطليقتى
انصحونى بالله عليكم