السلام عليكم ورحمة الله وبركاته

احب ان اطرح مشكلتي الي غابت عن ذهني فتره طويله وتوني بديت افكر فيها

انا من بداية الزواج وزوجي يضربي (مع انه يحبني حب مو طبيعي) لكن يظربني لاتفه الاسباب واحيانا كثيره من غير سبب

ومرتين ضربني واجهضت ,, ولكن يعتذرلي بعدها ويعترف بغلطه وتطوف السالفه

مره اهلي عرفوا انه يظربني

وسالوني ,, هل يضربك دايم قلتلهم لا اول مره فقط ,, لاني خفت يطلقوني منه لان اهلي يرفضون فكرة الضرب نهائيا ((على العكس تماما مع اهله فاخوته يضربون زوجاتهم ,, واخواته يتعرضون للضرب من ازواجهم ,, ونفس الموال مع امه وابوه ولا يرون في الموضوع
شئ غلط ))

طبعا الوالد كلمه وهدده (اذا ضربت بنتي مره ثانيه ماراح اردها لك) وكان الوالد دوره دور الناصح فقط

على العكس تماما مع والدتي ,, كل يوم تقولي تطلقي الحين قبل لا اييونلج منه عيال

وبعدها طبعا زوجي ماتغير اي كلمه اقولها يتبعها (كف)

وفي احد المرات اتبعت اسلوب غير ,, فكنا مختلفين على شغله فأعطاني كف وراح الغرفه مباشره ,, انا مادري شسوي معاه فكرت فكرت ,, فذهبت للمطبخ وجبت (معجون طماط وخلطته مع فيمتو) وجبت كلينكسات وايد وغمستهم بالخلطه وحطيتها على خشمي جني قاعده انزف ورحت بسرعه قعدت بالصاله ,, طلع زوجي من الغرفه

شافني ,, خاف ,, وقالي يالله بسرعه بوديك الطبيب وايجيب ثلج وانا اقوله مابي مابي

من بعدها وقف ضرب ولله الحمد

===

الحين هو مسافر وانا راح اتبعه قريب انشاء الله لكن امي قالتلي كلمه خلتني افكر بالطلاق
جديا ,, قالت (انتي هني نقدر نحميج منه ,, لكن اذا سافرتي وقام يضربج على كيفه شبنسويلج احنا وانتي بديره ثانيه ))

والان انا خايفه جدا من هذه النقطه

لان صديقتي كانت تعاني من نفس مشكلتي وعبدما سافرت معه امريكا قام يتمادا بالظرب
حتى انه في احد المرات طردها من الشقه وخلاها تنام على السلم مال العماره حتى فتح لها الباب وهي من غير حول ولا قوه لا اهل ولا في مكان تروحله

=====

اخواتي العزيزات اللواتي يعانين من ضرب ازواجهن ,,, ما الحل ؟؟؟ عندكم افكار اخرى
(غير فكرة معجون الطماط لكي اردع زوجي اذا ظربني واحنه مسافرين ؟

وآسفه جدا على الاطاله