أولا أقول لكم والله هذه القصه حقيقيه حدثت قبل تقريبا 40 سنه حدثت لستي وسيدي الخلاصه
زمان كان الناس الله يهديهم يعتقدوا إنه الزوجه هي سبب خلفة الولد أو البنت ستي كانت تعيش مع أهل زوجها أي سيدي وحبايبي كانت تخلف ستي حفظها الله البنات ثمانية بنات وولد واحد وأم زوجها قايمه قاعده وتقول لولدها تزوج أبغى أشوف لك أولاد كثير وسيدي يموت في ستي ( ياسلام على الحب والإخلاص ) وكل ماستي تجيب بنت تقولها أم زوجها ليش ماقعدتي فوقها وموتيها ( والله الجهل بس الله يرحمها ) وكانت ستي تقعد تبكي المهم كبر ولدها أي خالي وكانوا يزوجونهم صغار أي 16 سنه وكانت ستي تخطب لولدها ولمين حزروا ؟ لزوجها ياللهول والله كانت تطلب منه رضى أمه وتقوله أنا أعرف تحبني بس لازم ترضي أمك ( ياعيني ياعيني على التضحيه ) والناس ذاك الوقت يحسبوا ستي مجنونه والله سلامتها ماهي مجنونه تبغى ترضي زوجها وتريحه من نار أمه وفعلا خطب سيدي وماذا فعلت ستي ؟؟؟لقد حضرت فرحه وفرشت غرفته وأدخلتهم الغرفه وأغلقت الباب عليهم ولكن ماذا حدث بعد ذالك ؟؟؟؟؟؟؟؟؟؟؟؟؟؟أغمى عليها المسكينه والله ربنا حاط في صدرها صبر فظيع ماشاء الله عليها
وربنا يريد وتحمل الزوجه الثانيه وتجيب بنت طلقها سيدي مو علشان البنت ولكن هو يحب ستي وتوفي سيدي قبل سنوات قريبه لهذا اليوم تبكيه ستي لأنه إنسان عظيم حافظ لكتاب الله لاتخرج منه الكلمه الخبيثه والله نحن أحفاده نفتقده في حنانه وطيبته اللله يرحمه وظلت علاقة ستي بهذه المرآه طيبه لهذا اليوم تتزاوران المهم في هذا كله الولد طالع الله يجيرنا غضيب الله المستعان
ياأخواني لازم نرضى بحكم ربنا ولد بنت مانعرف الخير فين بالله عليكم لو هيا جايبه درزينة أولاد كان حالها صعب وهم غير أرضياء هذه القصه للعبره لقوة الصبر وحتى يرضى الإنسان بالقضاء والقدر وعسى ان تكرهوا شيئا ويجعل الله في الخير الكثير وعسى أن نحب شيئا ويكون فيه شر لنا الله يحفظك ياستو لنا
على فكره كتبت الموضوع باللغه العاميه عسى تسامحوني على الركاكه بس حبيت يكون الوضوع غير ممل أبغى أسمع التعليق وياريت ترى كم نجمه لستي هاها أمزح