الأخ سعودي من الرياض ..
أنا أعذرك تماما على كل ما قلته لأنك كما يبدو غير سعيد بزواجك الأول ..
لكن لي وقفة مع تشجيعك للزواج من جنسيات ثانية ، مع احترامي لكل الجنسيات
خصوصا إذا كنت اخترتها على أساس دين و أخلاق ..
لكن سؤالي لك و لغيرك ممن يشجع على الزواج من خارج البلد ، هل توافق لو تقدم لأختك
أو بنتك شخص من خارج البلد ؟
إذا قلت نعم ، بقول لك بعييييييييييييييد يا أهل الخليج أنتوا أصلا ما تتنزلون حد يناسبكم إلا من نفس أصلكم
يعني حتى لو كان من جنسية سعودية و كان وضعه الاجتماعي أقل أو من أصل غير عربي قلتوا لا و هذي
فيها قبايل ، لكن لما يجي الدور على الرياييل ( يعني الرجاجيل ) يصير حلال يتزوج من وافدة ، و يصير القرآن
بصفكم و كل شي ، و بنت البلد اللي ما تبغي تشجع على الزواج منها ما تبغونها تتزوج غير من نفس البلد ..
يعني هذي وين تروح تتزوج من المريخ ؟؟؟؟؟؟؟؟؟؟

للعلم أنا أيضا ضد زواج القارب اللي يكون الأساس فيه البنت لولد العم، و يكون أساس الكفاءة هو أنه ولد عمها
فقط ، أما لو كان على دين و أخلاق و ما عليه شي و هو يبغيها و هي موافقة عليه ، فعلى بركة الله الا اذا كان
في أمراض وراثية ، و الله يعافي أولادك منها ..

و سامحوني على الإطالة ..
أنفال