والله ما عرفت لبعض الريايل .. إذا ان زوجته قعدت في البيت .. قالوا ابتلشنا .. الحين فاضية .. وبتم تزعجني بتيلفوناتها الصبح وأنا مشغول في الدوام ... وببيعة الحال .. بما انها تتريا المساء يجي .. اكيد تبى تطلع أو اني أجابلها .. وإذا اني طلعت .. بتم تحرجني باتصالاتها وانا مع الشباب ((في حالة لو رد عليها))
{متى بترد؟}
{ليش تيلفونك مغلق من ساع؟}
{اليهال يبون ويبون؟}
{متى بتطلعني؟}
{أسوي لك عشاء؟}
و.....
و.....
و.....
و.....


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


وإذا انها قالت لشتغل وبتجرب الحياة ,, ولو مجرد فترة بسيطة .. علشن خاطر هاشهادة اللي تعبت فيها سنين علشن تاخذها .. والا علشان أي سبب ثاني . ومن أهمها الفراغ اللي بيذبحها .. والا أي شي .. يعاملونها كأنها الشعب العراقي أيام صداموه .. قمع وترهيب نها ما تفتح الموضوع مرة ثانية .. وانها تنساه .. وانها ما لها الحق انها تتكلم في هالموضوع بالذات .. وانها .. وانها .. وانها .. وانها .. وتطلع عاد العيوب الخلقية والأخلاقية اللي منها .. ومن تقصير واهمال .. {إذا انتي وياسة في البيت .. ما نسلم من اهمالج .. عيل كيفلو اشتغلتي والتهيتي بالعمل .. ورديتي البيت تعبانة ومال بارض تكلمين حد وتبين ترتاحين ؟؟} .. والا {أنا ما تعجبني الحرمة اللي تداوم وتظهر من بيتها .. الا للضرورة القصوى بس (مادري متى بتجي هالضرورة).. ولاتفتكرين ان الرياييل اللي في الدوام يحترمون اللي تعمل معاهم .. بالعكس .. يشوفونها سخيفة}


ترى كلن يرى الناس بعين طبعه ..


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


تعالوا نشوفه في الدوام .. (خصوصا إذا كان الجنس الناعم متوافر هناك وبالهبل) .. يعيني على الذوق والاحترام .. وياعيني على الكلام اللي يوص للهمس أقرب منه للكلام مع موظفة مثله مثلها .. (تطلع الجنتله ساعتها) ..

تعالوا نشوفه في البيت بعد الدوام .. ما يطيق كلمة لا لزوجته ولا لعياله .. ولا حتى يلتفت للزوجة .. اذا كانت لابسة ومتعدلة له .. والا بلباس المطبخ ..


اهمال الرجل في البيت ينعكس على الزوجة والبيت بشكل تلقائي .. ايد لودها ما تصقف .. حتى لو كانت الزوجة تشتغل .. لازم انه يساعدها .. ان ما اقول انه يغسل الصحون والا يخم البيت بدالها .. بس لو انه يغض الطرف عن أي اهمال يصدر منها من دون قصد.. بالطريقة هذي يساعدها ولو معنويا ف تحمل أعباء البيت .. مثل ما قالت أختنا همسة ..

الحياة الزوجية ببساطة هي
(( أنا + نحن + أنت ))



وانا اكرر كلامي .. واوضحه للمرة الثانية .. اني ما أعمم هالنقاط .. الا للبعض .. ولا يخفى عنا نماذج وايدة للأزواج اللي قربوا يوصلون للمثالية . ومنهم وايدين في الحياة ما تنكر زوجاتهم فضلهم في تحول زوجاتهم من النقيض للنقيض .. للأحسن طبعاً


وتحياتي للجميع .. والسموحة منكم على الإطالة