يا اخي المشكله انك سمحت لها من البدايه وعودتها كثرة النوم عند اهلها..وهذا انت تتحمله
لان البنت اون ماتتزوج الود ودها ترجع لاهلها من خوف المسؤوليه....خاصه ان الوحده بعد الزواج اهلها يدلعونها ويراعونها اكثر...
حاول معها بالطيب والتودد وانك تحتاجها عندك ...لاتجيها مثل ماقالوا الاخوان بالصرامه والتشدد...
واذا شفتها عندت وسوت نفسها زعلانه...وانت متاكد انك اثناء النقاش ماغلطت عليها... فكل اللي عليك تتعامل مع الموقف ببرود...وخلك كوووووول ومره ثانيه لاوديتها خلها تنام ليلتين وبس..ولاتخبرها متى جاى...وانت عند الباب اتصل... حطها عند الامر الواقع وماعليك منها اصر انك تشلها عشان ترد تتعود ماطول
ومن ناحية خروجها الله يهديها مع اختها وزوجها...فالمفروض اولا انه مايجوز ولازم اتنبهها...احنا وين قاعدين؟؟؟ اكيد انها تسولف وتقرقر مع رجال غريب عنها وغير انها تطلع من دون اذنك ...نبهها انه اللي تطلع من دون اذن زوجها اتم الملائكة تلعنها لين اترد لبيتها...
هي اكيد اتحب الطلعه مع اختها تعرف حريم وفاهمات بعض... فقلها لوبغت تطلع مع اختها اتخلي حد من اخوانها يطلعهن..وطبعا بموافقتك...واوعدها انها اذا استأذنت وماكان عندك عذر يمنعها ان تسمحل لها بالخروج..عشان ماتتردد انها تخبرك..والاهم اخووووها اللي يطلعهن..
وانت فاجأه وطلعها السوق وونسها ولاتحسسها انك متملل من الطلعه معاها...ترى احنا الحريم نكره الطلعه مع الرجال للسوق من تأففكم وضيقة خلقكم واستعجالكم...
ومثل ما قالت ماندي خذها بسفره لمدة عشر ايام في اي مكان مب لازم برى البلد المهم اتمون فتره مع بعض وحاول انك اتكون راقي معاها وتمشيها وادلعها وهي بتتعود اكثر

واخواني الزواج مب لعبه على طول نطيتوا خلها واتزوج غيرها....مثل ما احنا الحريم نصبر عليكم ونحاول نغيركم...انتوا بعد ادوا واجبكم واصبروا...ماظن خذيتونا بضاعه..اذا ما صلحت ترد وتستبدل؟؟؟؟؟؟ اتقوا الله شو لو كانت وحده من خواتكم هي اللي مسويه جذي؟؟؟؟