السلام عليكم جميعا ورحمة الله وبركاته:
أني واقعة في حيرة لأني لاحظت شي غريب يصير لبنتي الصغيرة، فبعد ما كملت سنة وكم شهر لاحظت أنها تعرق مثل الكبار وتطلع لها ريحة قوية مع العلم أنها تاخذ حمام يومي في الصيف ويوم وترك بالشتاء.
أبغي أعرف هل هذا شي طبيعي لأني مستغربة من هذا الشي خاصة أنها لسه طفلة صغيرة.
والغريب في الموضوع أنها حتى بعد ما تسبح وتتنظف وتطلع من الحمام الريحة الي عندها ما تروح.
أختها لدكتور أطفال نصحني آخذها لدكتور جلد.
وديتها لدكتور أمراض جلدية قال لي أنه السبب هو نوع الأكل الي ناكله احنا الخليجيين يعني يقول البهارات والكركم والدارسين والهيل وهاذي السوالف هي السبب في هاذي الريحة.
زين خففت وايد من هاذي السوالف في الأكل لكن من غير فايدة؟
أبغي أعرف ويش أسوي وشنو تنصحوني
وياريت لو أحد منكم مر بتجربة مماثلة يخبرني شنو سويتوا
والي يعرف دكتور جلد زين يخبرني عنه.
تكفون ساعدوني لأني وايد أفكر في هذا الموضوع وبصراحة خايفة أن البنت بكرة لما تكبر تتعقد من هذا الشي.
ومشكوررين على كل حال.
أختكم بنت الأصول.