عريس ولكن!!!!!!!!
السلام عليكم ورحمة الله وبركاته
أنا عضوة جديدة على موقعكم الرائع..بصراحه قرأت أشياء ومواضيع مفيدة وأكتر من رائعة وعجبتني آرائكم.. أنا عندي موضوع ومشكلة في نفس الوقت وحده من صاحباتي خطبتني لأخوها والمشكلة أنهم أجانب من أصل يمني,,والله كل الناس عندي شي واحد وماأعترف بالعصبيه أبداً وماهو شرط لازم يكون زيي عشان أوافق ..عرضت الموضوع على أهلي ماأحسهم شجعوني وخلوني ضايعه وحايره عشان كده قلت أستشيركم في موضوعي ... ايش رأيكم في الزواج من غير جنسيتي ؟ وماهو ناقصني ولا شي والحمدلله واتقدموا لي كتير .. والمصيبه سمعت عن حالات زي كده وسمعت تعليقات تسد النفس عيالك حيتعبوا في المستقبل ...مالقيت عريس عشان كده فكرت في أجنبي.... ولد بلدها مايبغاها يحق لها تفكر في الأجنبي وكلام طالع ونازل وتجريح... أرجوكم قولوا لي ايش أسوي مع العلم إني استخرت بس محتاره ايش المميزات والعيوب في موضوع الزواج من الأجانب... وجزاكم الله ألف خير مقدماً
__________________
MiSs Rose 
التعديل الأخير تم بواسطة البتول ; 22-09-2005 الساعة 03:57 PM
22-09-2005, 03:31 PM
ضوابط المشاركة
العرض الشجري