حبيبتي اذا انتي تبين احد يقولك تطلقي منه وهذا هو الحل السهل بنظرك تراها مسؤليتك انتي وحدك لاتفكرين اننا بنتقاسمها معاك كل واحد منا راح يعيش حياتة 0 0 0 لكن اذا انتي تريدين الطريق الاخر فاعلمي اننا كلنا معاك الواضح لي انكم تحبون بعض انا ما اعرف كيف اختصر لك الكلام لكن راح اقول لك انه فيه اشياء كثيرة عندك متراكمه ومن حبك له منتي قادره تقولينها قدامنا لكن راح اقول لك انكم بديتو بالمصارحه وهاذي من اهم الخطوات 00الشي الثاني بتستغربينه وهو لاتاخذين الدنيا جد صدقيني انا عارفه اختلاف مستوى تفكيركم لكن اذا تبين زوجك يتغير صدقيني راح يتغير بس حطي في بالك ان الشغله يبيلها طولة بال يعني السنتين ولاشي 000 بعدين شوفي نفسك وقولي هل انا كامله ومافيني عيوب 00حبيبتي العصبيه وحدها مصيبه 00 لما تعصبين منه روحي بمكان منعزل وخذي نفس عميق عدة مرات وكل ماطلعتي نفس اذكري الله 0ثم في بالك افتحي ملف زوجك الحبيب وتذكري كل الاشياء الحلوة اللي فية ترى النتيجه مذهله جربيها 00 لا تجربين الحلول وانتي معصبه وتبين حلول فوريه لكن زي ماقلت لك خذي الدنيا ببساطة وان كل شي راح ياخذ وقت 00 الرجل اكثر ما يأثر فيه الجنس لاتستغربين اوتتقرفين اكثر مايعدل مزاجه هوالجنس بحب وليس الروتيني 000اناقاعده الحين اكتب لك واتذكر كم مره حاولت انفصل واحمداللَة انه لم يحدث ثقافتك ورومنسيتك هذا هوا مجال اختبارهما واعلمي ان الانثى قادره ان تغير العالم باسره لارجل واحد فقط اذا ارادت ذلك00 هاه وش رايك 000 على فكره ترى الرجل مايحب التوجيه المباشر هاذي خذيها قاعدة 0ولايحب ان زوجتة تكون اكثر منه ثقافه على شان كذا هو يتهرب منك 00لاتخلين كل شي رسمي عيشي حياتك بفرفشه والله هذي الحقيقة ماعرفتها الا متأخر ومتحسفه على سنيني اللي راحت انا ماقصدي فرفشة الاغاني لا استغفرالله لكن اقصد الحياة ككل00 اتمنى لك السعادة واعرف انك قدها 000فقط اجعلي التوكل كله على الله ولاتنسي الدعاء"اللهم اصلح لي شأني كله ولاتكلني إلى نفسي طرفة عين ولا إلى احد من خلقك"0