سلام عليكم
انا مشترك جديد معكم و صراحه المنتى اكثر من رائع .. شكرا جزيلا للقائمين عليه و جزاهم الله خيرا.

احتاج الى رأيكم يا جماعة الخير .. فأنا اريد الزواج من قريبة لي و لكن هي موجوده في بلد آخر .. المهم ما اطول عليكم سلكت الطرق الشرعيه و كلمت الوالده و قامت بالواجب و باختصار اتصل الوالد مع والدها و طلب ايدها و هيه وافقت و الجميع فرح بس عيلتها طلبوا انو ازورهم عشان يشوفوني أنو من فترة طويله ما شفنهاهم و بالمرة البنت تشوفني و نتعرف على بعض اكتر. المهم روحت و ياريتني ما روحت
ضربت لخمة و ما قدرت اتكلم و لا اتنفس ..
البنت شافت الوضع .. قالت ما له امل
المهم روحت من عندهم وصابني احباط شديد و على بلاطة اتبهدلت
و حاولت اكلمها اكتر من مره بس ما في نتيجه
تقولي لي احنا اخوان ..
المهم الحين انا اشوفها على ال تشات من فتره لفتره و في بينا سلام و كيف الحال ..
انا المشكله زاد اصراري على البنت
و حاسس انو من طرفها ممكن يكون في تغيرر و صراحه انا ماني قادر اصبر ...
ايش ممكن يكون العمل ؟؟
أكلمها مرة تانيه مع العلم ان الموضوع تسكر من زمان !!
و اذا كلمتها اخاف تقول ما في نصيب !!

ايش رأيكم يا جماعه
ملاحظة : الي يجيب الحل ترا بعزمه على العرس