السلام عليكم
راح ادخل الموضوع على طول
مشكلتي اني انسانه رومانسيه و اللي في قلبي على لساني يعني ما اعرف اثقل و اذا حبيب احب من كل قلبي و احب اللي احبه يملكني و انا كمان املكه انسيه و ينسيني العالم كله الحمد لله ربي رزقني برجل كنت معجبه بشخصيته من قبل ما يخطبني و سبحان الله صار من نصيبي
بداية حياتنا ( مع العلم انا متزوجه من 11 شهر بس ) كانت حلووووووووووه الحمدلله كان مشبع لرومنسيتي بس الحين الوضع تغير ما صار يقولي كلام حلو و لا يتقرب مني زي اول اول ما كان يخليني ابعد عنه ابد و دايما يفولي انه محتاج لي و غيره و غيره من الكلام الحلو بس الحين صاير يتريق عليه و يعلق بكلام جارح و بعدين يقولي امزح الكلام الحلو ما اسمعه الا نادرا و اذا قلت له انت مو زي اول يقولي بالعكس محبتك زادت في قلبي اكثر من اول و اذا قلت له ما اسمع منك كلام حلو زي اول يسمعني لحظتها كم كلمه حلوه يعني صاير الكلام الحلو بالطلب صايره انا الي اتغزل فيه و انا الي لازقه فيه و هو ما يعطيني و لا على باله و لا يعطيني وجه انا تعبت من الوضع هذا صايره انا الي ابدا بكل شي و انا اللي اقول الكلام و انا اللي اتغزل و انا الي اقرب يعني الاشياء اللي المفروض يسويها انا اللي ابدا فيها صايره احتقر نفسي صايره راميه نفسي عليه بس المشكله صايره احبه اكثر من اول و متعلقه فيه اكثر و اكثر ما ابغاه يبعد عني لحظه و لو بعد اتعب لانه هو عودني على هالشي عودني كل شوي يتصل علي من شغله الحين خفت المكالمات كان يتصل كل شوي و يقول مشتاق محتاج بس الحين لا. اخاف اكون من كثر محبتي له طحت من عينه و اخاف اكرهه بقد ما حبيته
و الله اني ما تغيرت و لا اهملت نفسي بالعكس دايما احرص اكون في عينه احلى و احلى و نفس الوقت اكثر من الكلام الحلو بس تتوقعون لان ما اعرف اثقل و اطلع كل اللي في قلبي و انه الرجل يحب الانسانه الثقيله تكفون ردوا عليه و بالذات انتم يا رجال المنتدى و تسلمون

__________________