مشكلتــــــــــــــي ... زوجي.... هل يكرهني
السلام عليكـــــــــم ورحمــــــــة الله وبركاتـــــــــــه
أخواني الأعضاء لاأعلم من أين أبتدأ مشكلتي اللي ربما ألقالها حل بينكم
مشكلتي أن زوجي لما يوديني بيت أهلي مايتصل فيني ولايسأل عني أبد ولاحتى مسج
حتى لو اني اتصلت مايرد عليي .. الا اذا اتصلت كم مره باليوم آخر شئ يرد ... ونادر اذا رد علي
أحس انه لما يوديني بيت اهلي كأنه يقول هم وانزاح ... بس لاتقولون دوري عالاسباب اللي تخليه مايسأل لأن مهما كانت الاسباب ترى انا زوجته والمفروض يتصل ويسأل .. مع اني والله ماقصرت معاه لكنه من النوع اللي لما يضايق من ضغوطات العمل يطنشني ومايعطيني سالفه خاصه الفتره الأخيرة مرت عليه ظروف صعبه بشغله وأنا على علم بهالشئ بس طيب أنا غير مذنبه بهالشئ .. هو مايضاربني بس اللي حارقني انه يدخل البيت ويطلع ومطنشني مايعطيني ويه
وحالياً انا في بيت اهلي جيت أزورهم فقال اقعدي كم يوم عشان انا بروح مع اصدقائي رحله بالاجازة لاني تعبت من الدوام ومن فترة ماشفت اصدقائي
طبعاً انا ماعارضت هالشئ بس قلتله اوعدني انك تتصل .. وماتصل ولاسأل عني
ودايماً على هالحال
كل ماروح بيت اهلي لازم اتصل كم مره وبمزاجه اذا يبغي يرد مره مايحاسب اذا كنت فعلا محتاجته بشئ ضروري
مايتصل الا وهو يبلغني بتجهيز شنطتي وانه جاي بالطريق وطبعاً مو من نفسه لازم أنا ابعث مسجات واتصل واكتبله متى اجهز شنطتي !!!!!!!
تعبت مب عارفه شو اسوي والله حيرانه
أحس انه يكرهني
أرجوكم جااااوبوني
__________________
لو الصبر مايفيد
ماصبر أيوب صبره
سبحان الله وبحمده
سبحان الله وبحمده
سبحان الله وبحمده
التعديل الأخير تم بواسطة ناقصه خبره ; 30-01-2006 الساعة 03:20 AM
30-01-2006, 03:15 AM
ضوابط المشاركة
العرض الشجري