هل الطلاق نعمة أم نقمه؟؟؟ - منتدى عالم الأسرة والمجتمع

22-02-2006, 09:24 AM

*ام شادن*

عضو جديد

تاريخ التسجيل: Feb 2006

المشاركات: 8

هل الطلاق نعمة أم نقمه؟؟؟

السلام عليكم ورحمة الله وبركاته وبعد..

كثير ما يتبادر لذهني ان الطلاق يكون نعمه ولا نقمة؟؟

بالنسبة لي نعمة ولله الحمد

<< بتقول قصتها

لي من تطلقت 4 شهور يعني حديثة عهد بهذا العالم

ومع ذالك احس نفسي من زمان فيه لأني كنت أعلم بأني سأكون منه منذو بداية زواجي

في فترات الملكه كان انسان ثاني

بعد الزواج على طول من اول اسبوع مشاكل مع اهله؟؟

تخيلوا عروس اول اسبوع يبونها تدخل مطبخ وتطبخ؟؟؟؟؟؟؟؟؟

بذمتك ذه عدل؟؟

يعني لو معه بشقه كان معليه عادي انا معه نتفاهم

لكن مع اهله ساكن؟؟؟ واطبخ حق ديرة؟؟؟؟؟؟؟؟؟؟؟؟

ماتعودت ولا انا ملزومه؟؟؟

<< انصدمت اول صدمه

مشيتها لهم قلت معليه يابنت كلشي يهون لجل شهر بصل

برضوا ماكو سفر بحكم انه على قد حاله؟؟؟؟؟؟

برضوا قلت معليييييييييييه على قولة امي تحملي وتصبري وخليه كازوج لك مثلك مثل غيرك كثير

اسم انه زوج

ومرت الأيام والسنين<< وهي كلها سنتين

تخللتها مشاكل متشابهه جداً

دائم ما تطبخ؟؟ ما تغسل؟؟ ما تكنس؟؟ ما تطلع عندنا؟؟
و هلم مجر

مع انه وربي يشهد ما قصرت معهم بشي

لكن رضى الناس غايه لا تدرك؟؟؟؟؟؟؟

ما اظلم الرجال ماقصر معي بالبدايه مع الوقت

صار يصدق اهله بأني راعية مشاكل

وهم هم الي يفصلون ويخيطون

وانا ساكته كل مره اقول بيدافع عني وكل مره اقول لا بيآخذ حقي

اثاريه معهم؟؟؟؟؟؟؟

بالاخير وعقب صبر طلع لي بسالفه

ألا انا رايحه قايله للناس ان فيه ومافيه؟؟؟؟؟؟

وان فضحت بسره للناس؟؟

وووووووو كلام مشفر الواحد يترفع عن ذكرة؟؟؟؟؟؟

’خر شي قلت له يا فلان انت جبتني وحطيتني ببيت ابوي

حبيت تصدقني تعال اخذني ما حبيت تراني موجوده متى ما حبيت تصدق تعال

<<ماصدق سمعها

اليوم الثاني الطلاق جاي مليون بالثلاث

ولا بدع المصيبه يوم رحت آخذ أغراضي لقيته موضبهم وخالص؟؟؟؟؟

ما بقى شي مو لي ما حطه؟؟؟؟؟؟؟

<< انصدمت شدعوه؟؟

طيب طلقني وخلص بس انتظر تثبيت الطلاق

تخيلوا طلق بيوم جمعه اوكي وخطب يوم اثنين؟؟؟؟ وثبت بيوم اربعاء؟؟

انتوا لو محلي ويش تتوقعون؟؟؟؟؟

انا بالنسبة لي قلت ابركها ساعه من عرفته هو ويا اهله وحنا مشاكل؟؟؟

حتى بعد ما طلقوني لين الشهر الماضي وهم يسببون لي مشاكل

ألا كلمتهم ألا كلمت امهم؟؟

ألا اتدخل فيهم واحشرهم؟؟

بجد يعني ما قصروا فيني قدام العالم والكلام الي طلعه ولدهم يكفي

يسم البدن؟؟؟؟؟؟؟

أمنته سر وبيوم طلاقي فضحني فيه؟؟

بجد يعني ما خلا شي ما قال؟؟ ما خلى قلة حيا ما سواها؟؟
رغم انه أحد أقاربي للأسف؟؟؟؟؟

سؤالي

لما الرجل يطلق ليه يشوه سمعة بنات الناس؟؟؟؟؟؟؟

ليه الرجل ما يتذكر الشي الحلو للبنت؟؟

ليه ما يقدر تضحياتها؟؟

ليه وليه وليه؟؟

الى الآن أتسأل ليه كان يقول لي احبك؟؟ ويوم جا الموقف الصح تخلى عني؟؟؟؟

هل كان حبه كذب؟؟؟؟؟ ولا وهم؟؟

رغم اني من اخذته اكذب اذا اقول لكم ارتحت معه ولا حبيته

لأني ما اخذته عن قناعه ورغم ذالك كنت اسوي المستحيل علشان اغيره للأفضل

وللأسف بو طبيع ما يجوز عن طبعه؟؟

سؤال اخير

الطلاق نعمة ولا نقمة؟؟

بالنسبة لي نعمة من رب العباد الي خلصنس من هؤلاء قبل ان افقد عقلي وكنت قاب قوسين او ادنى

تحيتي المعطرة واعذررررررروني على الإطاله..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه