طرق تنسيق الزهور (صور) - منتدى عالم الأسرة والمجتمع

28-04-2006, 12:17 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

طرق تنسيق الزهور (صور)

[CENTER]

آدي الربيع عاد من تاني والورد هل بأزهاره...
كل سنة وإنتم طيبين بمناسبة فصل الربيع
علشان كده
فكرنا إننا نعمل لك عدد خاص بالمناسبة الجميلة دي ونقدم لك شوية أفكار ممكن إنك تجربيها علشان تقضي فصل إن شاء الله..

تنظيم البيت

احنا هنقول لك على شوية أفكار هايلة ممكن إنك تنفذيها في البيت للاحتفال مع أسرتك بالفصل الجميلة ده..

تزيين المنزل بالزهو ر

بما أن عيد الربيع الزهور بتتفتح فيه يبقى أكيد أول حاجة لازم تراعي وجودها في المنزل اليوم ده هو وجود باقة أو باقات جميلة من الزهور في كل مكان في منزلك لأن الزهور بتعطي انطباع وإحساس بالراحة والتجديد ودي شوية نصايح تساعدك على تنسيق الزهور.

1 - راعي في اختيارك إن ألوان الزهور تكون متقاربة مع لون الجدران وألوان السجاد والمفروشات الموجودة في المنزل.

2 ـ عند تنسيق الزهور يجب وضع الألوان الداكنة في المنتصف مع مراعاة أن يكون ارتفاع باقة الزهور يعادل ارتفاع الزهرية مرة ونصف للاحتفاظ بجمال المنظر‏.‏

3- يا ريت إنك تراعي في اختيارك إن ألوان الزهور إنها تكون تدل على التفاؤل والأمل ومش لازم إن يكون كلها في طول واحد لأنك ممكن تحتاجي شوية ورود يكون حجمها صغير شوية علشان تستخدميها في ملء الفراغ بين الورد.

4 - حوض أو فازة وتملي 3/4 مية باردة.

5- ياريت إنك تشتري من محل الورود شوية أوراق خضراء كبيرة وقصيها بالحجم المناسب لارتفاع الحوض ودي هتحتاجيها في تنسيق الزهور لأنها هتعطي مظهر أحسن.

ودي شوية طرق لتنسيق الزهور

أولا: التنسيق الدائري

والنوع ده من التنسيق بيتميز إنه سهل وصعب في نفس الوقت فتكمن سهولته إنه مش بيحتاج لنقطة مركزية، وفي نفس الوقت بيحتاج منك عناية كبيرة في اختيار أحجام الأزهار وأطوالها وأنواعها وطريقة توزيعها علشان تحصلي على التوازن المطلوب وخلي بالك إنه بيحتاج إلى حوض أو فازة دائرية.

ثانياً: التنسيق الحر

والنوع ده من التنسيق محتاج إن يكون عندك خيال واسع وقدرة على الابتكار لأنه مالوش قاعدة معينة في التنسيق وبيعتمد على خيالك وقدراتك الإبداعية في إدخال عناصر غريبة في التنسيق بين الزهور وفي نفس الوقت تعطي منظر رائع.

ثالثاً: التنسيق الرشيق

والتنسيق ده مناسب جدا لو هتحطي الزهور بجوار السرير أو على مكتب وميزته إنه مش بياخد مكان لأن الفازة بتكون طويلة نوعا ما وبتحتوي على عدد قليل من الأزهار مختلفة الأطوال.

دي كانت شوية أفكار بسيطة ممكن إنك تنفذيها في البيت في الفصل ده..

لو هتخرجي

دي شوية نصايح علشان لو هتخرجي في اى يوم :

1- حددي المكان اللي إنت ناوية تقضي فيه اليوم قبلها بفترة كافية وشوفي هل المكان ده فعلا هيناسب جميع أفراد أسرتك ولاّ لأ.

2- اختاري الملابس المناسبة، يعني بما إنك خارجة تتفسحي يبقى ابعدي تماما في اختيارك للملابس عن الملابس الكلاسيكية والبسي ملابس كاجوال.

3- يا ريت لو معاكِ أطفال إنك تعلميهم عدم تقطيع الأزهار مع مراعاة الحرص على نظافة المكان.

__________________

التعديل الأخير تم بواسطة نظرة أمل ; 08-08-2008 الساعة 01:37 AM السبب: حذف صوره مخالفه..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه