السلام عليكم ورحمة الله وبركاته...
كيف أحوالكم اخواني اخواتي..
أرجو ان اجد منكم رد يصبرني
فمشكلتي هي انني تطلقت من زوجي لرغبة مني (سالفه يطول ذكرها )
مشكلتي هي مع اهلي وولدي فبعد ماتطلقت كنت عادية ومشت الايام بس الان ماعاد تنطاق ...ليش ,,
لان اختي اللي هي اكبر من ولدي بسنة تقريبا عمرها 5 سنوات تقريبا وولدي عمره 4 سنوات ...مشاكلهم دايما اكيد بتقولون اطفال ويتهاوشون عادي........ انا عادي عندي بس المشكلة ان اختي في نظرهم ماتخطي ابد واكيد وليدي هو المخطي حتى لو احد يشوفها تضرب ..مايقولون شي ......
لاواذا طريت الفلوس بحكم ان ابوه زي اللي متبري منه لاسؤال ولاحتى مصروف له (حسبي الله ونعم الوكيل والله اني ادعي عليه ان ربي مايرزقه غيره عشان يذوق الحرمان اللي ذقناه )
مشكلة الفلوس اني مقدر اطلب والله حتى احيانا اروح للجامعه مامعي شي ...ومايسعفني غير المكافأه ...وودي اشتري لولدي العاب او حتى اشياء هو يشتهييها .. بس مقدر لاني ان عرفوا ان المكافأة جت يتسلفون اهلي للاشياء الطارئه ويقولون بنرجعها واقول ما يخالف مهمن كانوا اهلي واذا قلت بعدين ابي من مكافاتي يقولون ليه حنا مقصرين معك ومع ولدك ....كنهم يتمننون علي بانهم ضافين ولدي....والله حتى صرت اسكت ولااتكلم معهم كثير اخاف اتورط معهم
ومن كثر هالمشاكل اتمنى اني اتزوج اليوم قبل بكره حتى ارتاح بعيد على الاقل واربي ولدي احسن تربية

ومابين مشكلة ولدي لمشكلة الزواج الثاني والخوف من تكرار التجربة ...بس الواقع يخوف ..لا تلوموني .تقدم لي واحد متزوج وماعنده مانع انوا ولدي يكون معي (اصلا هذا شرطي ) ومبدئيا وافقت وقلت لابوي بستخير قال معاك سنتين الين ماتتخرجين والحين كل يوم يمر وانا اتخيل نفسي اذا تزوجته كيف بتكون الحياة معه كل شي بيكون مقيد في بيته وزوجته الاولى يعني لو بنسافر لازم كلنا مع بعض ما ينفع يتردد مرتين ....

والله ياكثر همومي حتى اني ما انام من كثر التفكير ...
سؤال هل تعامل اهلي معي تتوقعون ردة فعل لاني اول من تتطلق عندهم ؟
والي مخوفني ان يكون ولدي ضعيف شخصية
ادري اني اطلت عليكم ولكن ....
اتمنى اني القى تجاوب .