أول شي اسمحولي اعتذر لكل من قرا ردي على موضوع الأخ سيف البحر و زعل منه ... بس صدقوني انتو فهمتوني غلط .. وللأسف (واسمحوا لي اعاتبكم على هالنقطة) اتجاهلتو كل الكلام اللي كتبته و ما خذتوا الا الجملة االلي انصح فيها ان الزوجة الثانية ما تكون مطلقة أو أرملة أو عانس ... مع اني كنت اتكلم عن حالة معينة (و هي الزوجة الثانية) مو عن الزواج بشكل عام

انا أبد مو ضد ان الريال ياخذ وحدة مطلقة أو أرملة أو عانس (مع اني ضد هالوصف بس استخدمته في مشاركتي الأصلية كرد على الموضوع الأصلي و الردود اللي سبقتني) .... بالعكس .. و الدليل إني جربت وضع المطلقات لاني تميت مطلقة مدة سنة تقريبا قبل ما الله يصلح الامور بيني و بين زوجي ولله الحمد .. يعني جربت الوضع و انحطيت فيه فاكيد ما بكون ضد المطلقات و الأرامل


انا كان كل قصدي (و احتراما لشعور المطلقات والارامل و العوانس) ان الريال يوم يفكر في الزواج للمرة الثانية ما يفكر في وحدة منهن لمجرد ان ما في وحدة بكر بترضى فيه .. لان هذا الوضع يقلل من احترام الزوجة الثانية و يخليها تحس ان الريال اختارها سد خانة و بس و انها لو ما كانت مطلقة او ارملة ما كان بياخذها ... و اعتقد ان الزوجة الثانية يوم تكون مطلقة او عانس بتزيد المشاكل و الغيرة مع الزوجة الاولى و بتتم الثانية حاسة بالنقص ... هذي وجهة نظري و اتمنى تحترمونها حتى لو ما عجبتكم.


تحياتي