السلام عليكم ورحمة الله وبركاته لثقتي فيكم وبرايكم السديد يااعضاء المنتدى واللي اعتبرهم انا شخصيا اخواني واخواتي اللي وقفوا معي بمحنتي ووقت ماكنت منهاره نفسيا وكان مابين عقلي والجنون الا شعره بس بفضل الله ثم بفضلكم انا رجعت اقوى من قبل وذلا السبب حبيت اعرض عليكم مشكلة وحده من صديقاتي هي متزوجه بس من شخص مايخاف الله فيها ومعذبها في حياتها وهي صابره عليه عشان العيال بس مشكلتها انها قبل الزواج كانت تحب شخص حب شريف وطاهر وهو بعد من قرايبهم وللعلم هالشخص ذا عمره ماشاف حتى زولها وصارت بينهم علاقة حب قويه ولكن الظروف شاءت انها تبعدهم عن بعض مثل كل حالات الحب العفيف الشريف الصادق واللي صار انه ابوها اجبرها على الزواج من احد الاقارب وهي عارضت بس مافي فايده لانه الاب اصر على موقفه واحب اقول لكم انه محد يعرف عن علاقة حبهم الاهي وهو يعني بالسر وتزوجت هي من واحد كرهها الدنيا باللي عليها وبعد الزواج طبعا ابتعدت عن حبيبها عشان ماتكون زوجه خاينه ومع الوقت حبيبها تزوج من وحده ثانيه بعد بس هي مرت بها ظروف صعبه ونفسيتها ساءت بسبب مشاكلها مع زوجها ورجعت علاقتها بحبيها وصارت تتصل فيه وتشكي له حالها مع زوجها وزوجته عرفت بعلاقتهم وكلمتها هددتها بانها تفضحها اذا استمرت بالاتصال فيه وقطعته بس ترجع تحن عليه وتتصل فيه تتطمن عليه وتشكي له بين فتره وفتره وهي تحس بتانيب الضمير عشان عيالها مو عشان زوجها لانه مهملهم بس كانت تتصل فيه مره او مرتين بالسنه تتطمن عليه ونصحتها انا بانها تنساه بس هي تقول انه مو بيدها وانها تحبه وهو بقلبها وانه زوجها بتصرفاته معها واهماله لها يخليها غصب تتصرف كذا وحلفت لي انها تبكي وتدعي ربها انه ينسيها اياه وعلى فكره قصة حبهم صار لها عشرين سنه تقريبا وللحين مانسته يعني حب صادق وهو مثلها ويوقل لها انها بقلبه بس الزمن وتقول انه هو بعد من كثر خوفه عليها طلب منها انها ماتتصل عليه الا مره بالسنه عشان يتطمن عليها وطلب منها انها ماتقطعه وقال لها على الاقل مره بالسنه وامس هي كانت عندي ومنهاره من سوء معاملة زوجها لها وتقول لي انها صار لها سنتين ما كلمت حبيبها وانها تفكر ترجع تتصل له وربي حيرتني معها حالتها تقطع القلب وبصراحه ماعرفت وش ارد عليها انا ماالومها لاني اعرف ظروفها مع زوجها وفي نفس الوقت خايفه عليها ابي رايكم بمشكلتها واعذروني على الاطاله والله يجزيكم الف خير