كأبه في شهر العسل..بس وين المشكله
صحيح احنا نخطط...والله سبحانه وتعالى يقدر
حديثة عهد بالزواج...ولي مخططات حلوه للفتره الاولى من حياتنا..
منها اني اخذت اجازه عن الدراسه بالجامعه عشان افرح بشهر العسل..
لكن تجري الرياح بما لاتشتهي السفن
اكتشفت وبشكل مبكر اني ...
حامل
وماكان لي وقت ما حملت الا عشرة ايام من الزواج
عرفت هالشي لاننا كنا نمنع والحمل كان مقدر
واكتشفت حملي بعد اسبوعين..
مو لو اني غافله شهر وشوي حالي حال غيري ..كان اريح لقلبي
اكيد تتساءلون وين المشكله
المشكله هي ان معاي التهاب حاد في الرحم واعاني الام شديده عند الجماع
ولما رحت اتعالج...وعرفت الدكتوره اني حامل قالت صعبه انها تعطيني علاج
في وقت مبكر من الحمل
والان علاقتي بزوجي ميته ما كأن احنا عرسان جداد
هذا غير ان المعاشره في الفتره الاولى من الحمل ممكن تسبب الاجهاض>>>
انا عروس
واعاني من الام في حملي من غير سبب
نفسيتي تعبانه
كبدي تقلب اربعه وعشرين ساعه
نفسي على طول صاده ولا جعت الله يعين اصير بين نارين
بين الجوع ولوعة الكبد وبين اني اكل وتلوع كبدي بعد
والاكل صار طعمه غير في لساني
وكارهه كلشي يحيط فيني...كلشي
كارهه بيتنا وبيت اهلي وبيت اهله..وكارهه ريحة عطره وفوانيله وصابون الغسيل
وريحة الغرفه...حتى ريحة الاكل..
ونفسيتي تعبانه واحس العبره تخنقني من غير سبب..
حتى ما اشتهي اكشخ واتزين له مثل اول
خساره الالاف الي جهزت بها نفسي بالملابس الي مالحقت البسها
خساره جسمي الي سريع يتشوه وينتفخ واقول عليه السلام
خساره معدلي ودراستي وانا متخيله اني راح ارجع للدراسه بحماسه
هذا غير ان الحمل يعيق علي حركتي وانا وحده حركيه واحب امشي واركض..ماتكيفت مع هالوضع
وهذا غير اني ما احب ان حياتي تتغير بشكل مفاجئ..
بنت مفرفشه بعدين سيده ام غصبن علي...مامريت بمرحله صرت فيها مره قبل العيال
احس زوجي طفش..
ماكأن احنا زوجين جداد
انا طفشانه وهو طفشان مني
شالحل..ريحوني
29-05-2006, 09:36 PM
ضوابط المشاركة
العرض الشجري