صاحب رأي سديد

أشكرك على مرورك وتعليقك وصدقت 3 سنوات ماتعتبر فارق كبير والله يجزاك خير على دعائك.

شوبارد

أشكرك على مرورك وتعليقك ولوان تعليقك يضيق الصدر شوي ، بصراحة أستغرب أنك توافقين على شخص في الأربعين وترفضين شاب لأنه أصغر منك لأن غالباً اللي في الأربعين يكون اما يبي يعدد أو مطلق وعنده أولاد
وأنا معك بعض الشي في أن الرجل إذا كان أكبر من البنت أفضل لكن وش الحل الواحد إذا بلاه ربي وحب له وحده أكبر منه،،
أما مسألة أن الأكبر يكون أنضج هذي مو دايم لأن أحيانا الواحد يكون عمره ماتعدى خمس وعشرين لكن فكره ناضج ومستوي ومحرق بعد وأحياناً تلقين شايب عمره خمسين وتفيكره تفكير مراهق.
قلتي ان الكبير يدلع الصغيره ويطير فيها ويحس انها فرصه له!!! وأنا اقول مودايم يصير هذا الشي بالعكس أحياناً يصير الكبير معقد ومتعنت وبعدين أصلا الواحد إذا كان معجب في البنت وماخذها عن قناعه وداخلة جوا مخه راح يشيلها عللى راسه ويدلعها وأعرف قريب لي متزوج من وحده أكبر منه بخمس سنوات ومع ذلك ماشاء الله عليهم شايلها على راسه ويحبها ويموووت فيها .
قلتي ان الرجل يهمة نقطة العمر كثير واذا ماهمته في البداية راح تهمه بعدين وبيتندم ويتزوج عليها !!! وانا اقوول خذي عندك مثال ثاني بنت عمتي متزوجه واحد أصغر منها ولهم ثلاثين سنة متزوجين وماشاء الله عليهم مثل السمنه على العسل ولاتزوج عليها ولا يحزنون مع انها الحين كبيره في الخمسينات
وأشكرك أختي على دعائك والله يرزقك انتي وكل خواتك اللي في المنتدى الرجال الصالحين.

أخيرا ماعليش اعذروني من الحماس طارت اللغة العربية وتكلمت بالعامية لأني بصراحة مليت كأني قاعد أمثل في مسلسل تاريخي .
ملاحظة لي عوده للتعليق على من تبقى ولكن بعد الفاصل لأني تعبت شوي .........................

يسخر من الجروح كل من لا يعرف الألم