احلى بنات اليوم طبختي فيتوتشيني اكلة ايطالية معروفة طبعا بس طعمتها جنان وبتشهي وسهلة التحضير وما تاخد وقت شوفوها واحكمو



نبدا بالمقادير والطريقة

اولا تحتاجي لصدور دجاج طبعا حسب حاجتك انا حطيت اربعة قطعيهم لقطع صغيرة واتركيهم على جنب



ثانيا جيبي بصلة نص حبة فليفلة حمرا ونص حبة فليفلة خضرا قطعيهم شرائح وخلهم على جنب



وطبعا بدك صوص جيبي علبتين ساور كريم وعلبة ثيك كريم وبقولولها قشطة واذا لقيتي الصلصة قليلة ممكن تزيدي علبة ساور كريم طبعا نحكي بالعلبة الصغيرة



واكيد ما ننسى المعكرونة اهم شي بطبختنا معكرونة خاصة بالفيتوتشيني ملونة اسلقيها وصفيها واتركيها





نبدا بالدجاج جيبي طنجرة حطي فيها شوية زبدة وذوبيها



بعد ما تذوب حطي الدجاج وقلبيه لحد ما يستوي وينشف من المي انتبهي ما يحترق



بعد ما يستوي الدجاج حطي البصل والفليفلة فوقه



قلبيهم منيح واتركيهم على نار خفيفة



جيبي طنجرة تانية وحطي فيها الساور كريم والقشطة



حركيم لحد ما يذوبو منيح متل الصورة وحطي فوقهم رشة ملح بس انتبهي لا تخليه يغلي لان بيطرش الدنيا



بعد ما يذوب حطي المعكرونة فوقه



وجيبي الدجاج والخضروات وحطيهم فوقهم



وقلبيهم منيح منيح لحد ما يمتزج مع بعض ويصير هيك



اتركيهم لحد ما يبدو بالغليان وارفعيهم عن النار واسكبيها وقدميها ساخنة



وممكن تقدميها بطريقة تانية حطي فوق الصحن جبنة وحطيه شوي بالميكرويف لحد ما تذوب وقدميها وذوقيها وتلذذي باحلى فيتوتشيني






شو رايكم عجبتكم

وهي كيكة اسفنجية من اطباق الاخت روني عملتها لحلفة بنتي وزينتها وطلعت روعة والله يا بنات ما صدقو ان انا اللي عملتها صدقوني يا بنات جربوها وما بتندموا

وهي المقادير

6 بيضات ، فانيليا
1 كوب سكر بودره
1 كوب دقيق ، 2 ملعقه صغيره مليانه baking powder
1/4 كوب نشا
الطريقة
نحط البيض،الفانيليا ،السكرو نضرب
نضرب لغايه ما يبقي ضعف الكميه من كده لكده
نحط بالتدريج الدقيق ، الbaking powder ، النشا و الخلاط شغال
بعد ما الخليط يمتزج كله نحطه في صينيه مقاس 24
تدخل فرن 180 C لمده 30-40 دقيقه و عد كده نسيبها تبرد
بعد كده نقسم الكيك علي 3 مرات او2 علي راحتك
وزينيها بالطريقه اللي انتي عايزاها
وبالهنا و الشفا

__________________


لا احلل نقل اطباقي دون ذكر المصدر

(ام علي وريما شخص واحد وهو انا )