السلام عليكم ورحمه الله وبركاته

اخواني اعضاء المنتدى الرائعين عندي مشكله مررره متعبتني نفسيا ودايم افكر فيها
واحس انها مالها حل..........











المشكله اني قصيره كثير وخطيبي(بيننا عقد قران) يعني زوجي بالعكس مني تماما
اطول واحد في اخوانه يعني مره طويل.... بصراحه انا تفاجأت اول ماشفته وقلت لاهلي لأ
ما ابغاه يعني هو وين وانا وين..لكن اهلي ماعطوني وجه, وبعد الملكه جاء عندنا وجلس معي
بعدها قالي اني قصيره مره وهو ما كان يتوقع كذا (((للعلم حصلت النظره الشرعيه لكن ما ادري وين كانت عيونه)))
المهم اني حسيت من كلامه انه هو بعد متضايق لكن وش بيدي انا الحين؟والله اخاف ثقتي بنفسي
تهتز قدامه لاني بالمره حساسه خاصه من هذا الموضوع
والله اخاف يرجع يفتح الموضوع معي مره ثانيه لأنه ماعاد رجع تكلم فيه لكني حاسه انه متضايق
ولو يقولي شي مره ثانيه يمكن اصير اكرهه..........

سؤالي لكم؛
*هل هذا الموضوع(الطول والقصر)راح ياثر على علاقتنا بعدين من كل النواحي بالذات العلاقه الخاصه؟؟؟

*هل يمكن بعد الزواج انه يحتقرني لاني قصيره وما عاد يحترمني؟؟؟؟

*هل ممكن انه يصير منحرج يخرج معي للاماكن العامه مثل الاسواق والحدائق ونتمشى مع بعض ويصير يرفض يمشي بجنبي؟؟؟؟؟

واخيرا عارفه اني اني طولت عليكم لكن اللي عنده اي شي ولو كلمة مواساه لايتركني من دونها
وشكرا..................