هذي قصه شخص قريب من العائله


بس بصراحه حبيت انقلها لكم حتى أشوف هل فيه نوع من الرجال قلوبهم بالقسوه هذي !!!



هذا رجل الله انعم عليه بنعمه المال ,,, ,,,, وتزوج من زوجه .. أنجب منها :


4 أولاد وبنت ...


و ما أكتفى بزوجه وحده وهذا من حقه الشرعي فهو راح تزوج زوجه ثانيه :14: وأنجبت له :


3 أولاد ....


وبرضووه ما اكتفى وراح وخطب دكتوره وتزوجها :20: وانجبت له :


3 بنات ....


وما كفاه ثلاث حريم فقرر قبل سنتين انه يتزوج :14: :14: :14: فهو راح يتزوج مدرسه بنت ما تزوجت قبل كذا

بس عشانها كبرت ووصلت لسن الأربعين وما تزوجت فوافقت عليه...



المشكله هو انسان بخيل جدا جدا جدا ما يصرف ولا ريال واحد على كل حريمه الاولى كبروا عيالها وصاروا رجاجيل


والثانيه موظفه بمدرسه وتصرف على اولادها ال3 من راتبها


والثالثه دكتورة وتصرف على بيتها وبناتها ال3


والرابعه تصرف على نفسها بنفسها


وفواتير البيت والجوال والكهرباء والمويه وكل شي على حريمه ...



والمهم زوجته الرابعه المدرسه ... انجبت قبل شهر ,,,,, ,,,,,, بنت ,,,,,,,,, ,,,,,, ومع ذلك رفض يزور زوجته في المستشفى


وما شاف بنته اللي المولوده ولا راح يسميها ولا حتى يشوف طلباتها مع النونو الجديده



ليش؟؟؟



زعلان ومعترض يقول ليش ولدت بنت!!! عياله الرجال كبار ورجاجيل فهموه ان هذا عيب


وهذا من رب العالمين ومانفع ولعلمكم الى الان رااافض يشوف بنته

وبنته بتكمل عمرها شهر ونص ولا حتى رفع السماعه وكلم زوجته ...






هل فيه نوعيه همجيه من شاكله هالرجل الغريب هل الى الان فيه فكر التخلف ؟؟؟


أبي اسمع أرآئكم حول هالظاهره ومشكلتها وكيفيه علاجها


والللي مثل حاله هالزوجه المسكينه اللي لاحول لها ولا قوة وش تسوي مع زوج مثل هذا !!!


ابي اشوف مشاركاتكم وتفاعلكم حووول هالظاهره !!!

__________________