السلام عليكم ورحمة الله وبركاته

أمس قالي زوجي: ما تركتي مكان للفرح يا زوجتي

والسبب هو إني تفاجأت بحملي الثاني وقعدت أبكي وأضرب بطني وأوخر زوجي عني وأقوله انت السبب لأنك ما خليتني أخذ مانع

أنا مش رافضه الحمل بس أنا أول ما تزوجت حملت والحين طفلي عمره ثمان شهور ونص

وأرضعه طبيعي ويرفض الرضاعة الصناعية

كنت مخططه ما أحمل يلين سنتين بس الله قدر إني أحمل

رجع جسمي مثل أول بعد عناء

بعدين أنا صارت عندي حالة نفسيه من الولادة يعني جداً أخاف منها


سويت اختبار الحمل في الليل وطلعت حامل

رديت عدته اليوم وطلعت حامل, وبروح المستشفى عشان أتأكد

زوجي قالي لو قلتيلي أنك حامل وأنتي فرحانه كنت بفرح بس أنتي الحين ما تركتي مكان للفرح

وقال ما أحس أن لي حق أفرح

وسألني أنتي ما تبين عيال مني؟و ما تبين ولدك يكون له أخ ويلعب معاه بدال ما يمل


والله أريد بس مش فاهمني, الرياييل يتحسبون الحمال والرضاعه وتربية الطفل أمر هين وأنا لسه عروس ما كملت سنه ونص
ودلوعه وما أتحمل مسؤوليه


بس عندي سؤال اذا الحامل ترضع طفلها هل يأثر سلباً على الجنبين؟ أو على الطفل الرضيع؟

ساعدوني لو بكلمه لأن ضميري يأنبني وأحس أني غلطت في حق طفلي الرضيع