الله يجزاكم خير
انا اواجه ضغوطااااااااااات افهموني
امي مريضة بمرض قبل ماتولدني وزارد الحين واضطرت تسوي عملية خطيرة والحمدالله نجحت ودايم تحسسني ان األمها زايد بسببي!!
دايم تقول اذا مت انت السبب
مرة رحنا لدكتور وقالها انت مشكلتك تنفعلين فيه حاجة مضايقتك في البيت قالت ايه انا عندي مشكلة كبيرة انا بهم مايعلمه الا الله وقعدت تناظرني عند الدكتور الين ناداني على جنب وسألني!!
وهي في العناية المركزة والى الان اثار البنج ماراحت مرة تعرفني ومرة لا.. كنت جالسة جنبها وقالت بموت ماشفتك متزوجة!!تخيلووووووووو كان عليها 24 أنبوب وحتى الاكل ماكانت تاكل أبد ولها 3 ساعات طالعة من العملية
بغيت اموت ويوم قالت لي كذا وصارت تحرك يديها جت الممرضة طردتني برا تقول شسويتي نقص عندها الاكسجين!!
اذا طلعنا لأي مكان عيونها عالمتزوجين وتقارن وتقول انا محرومة ماشفت بنتي تمشي مع زوجها!
اذا جت بطاقة زواج تدخل بغرفتي وترميها بوجهي وتعطيني كم كلمة محترمة!!
تفشلني عند اهلي دايم يعني احيانا تجيني ضيقة صدر كل انسان تمر عليه فترة يتعب فيها تقولي شفيك اقول مافيني شي بس مابي احد يكلمني تقول البنت اذا زعلت بدون سبب يعني ابي رجل والله انا ودي اكثر منك بس نصيبك!!<<< تفشلني عند اهلي
اذا رحنا المشغل وسألتهم عن اي شي قالت الموظفة هذا تبع العرايس انخطبتي شوبارد؟ على طول امي تقول ايه ان شاءالله 4 شهور ونجيك تجهزين شوبارد من الى ابغاكم تطلعونها قمر وش الجدي للعرايس!!
صراحة ازعل واركب السيارة وهي تقولي عادي خلينا نتفاءل مافيها شي على الاقل نتخيل!!
رحنا لمحل ورد وفيه مسكة عروس تجنن عنده سألأته امي بكم قال عندكم عروس قالت امي ايه بعد 4 شهور بنجيك ان شالله صار يتفلسف ويعلمها عن انواع الورد وهي مبسوووطة ونفس الكلام
تعيده خلينا نتفاءل لدرجة بعد شهر دخلت المحل انا وحريم اخواني وقالي راعي المحل اهلين بعروستناااااااااا!!!!!!!!!!!!
في البنت ماتبي احد يشغل خط التلفون تقول يمكن احد يدق يخطب!
اذارجعنا البيت من مشوار تقول روحو شوفو الكاشف فيه رقم غريب! واذا صار فيه فعلا ماتطلع من البيت الين يدق ارقم هذا او تدق عليه!!
اذا كنا بعزيمة وسلمت على حرمة وعندها ولد تناديني بصوت عالي شوبارد تعالي سلمي!! ووتقولها تهذي شوبارد بنتي الكبيرة!! كأنها تعرضني عندها آآآآآه وحلفت لها قلت والله لو تناديني لحرمة اسلم وهي بعيدة والله بتتفشليتن ترى مانيب جاية ابد!
[SIZE="4"]
اذا جيتها بآخر الليل اقول يماه شفيك مانمتي قالت بسبتك ذبحتيني بحياتي اللي كبرك عندهم عيال موتيني اطلعي مابي اشوفك قدامي!!!!
هواجيسها كثيرة يماه شفيك قوليل فيه شي تقول من فيه غيرك ذابحني!
دايما في البيت اشوفها تتأمل فيني وتتألم كثييييييييييييير واذا قلت شفيك على طول تبكي تقول والله لوك منتي بنتي لأخطبك الظاهر وانا حامل فيك عصيت ربي بشي!!
مرة انخطبت لواحد لمدة 3 شهور وعطاني المهر وقت مادقو يعتذرون كنت واقفة اسمع ابوي وهو يكلم ومرت من جنبي قلت يماه الظاهر انهم هونو تصدقوووووون طاحت على الارض وماسكة راسها وتصارخ تقول بنتي مسحورة!!
اول مرة اشوفها بهالمننظر وماراح انساها طول عمري
ومرة حرمة فشلتها عند الحريم قالت اكيد انكم تردون الرجال ولا بنتك فيها بلا روحو اقرو عليها!! بنت مافيها قصور عشان ماتتزوج
كل هذا وماتبغوني ارضخ لأمي؟!!! انا ياناس معذبة امي انا مهلكتها بحياتها والله دايم ابوي الله يخليه لي يقولي ماعليك من امك القرار قرارك ودايم ينصحها بس مافيه فايده[/SIZE
__________________
اللهم لك الحمد والشكر
"ولئن شكرتم لأزيدنكم"
التعديل الأخير تم بواسطة شوبارد ; 23-06-2006 الساعة 03:47 PM
23-06-2006, 03:43 PM
ضوابط المشاركة
العرض الشجري