اختي بنت الاسلام اظن ان نسبة من الرجال هذا طبعهم ربما بسبب التربية وطريقة التنشئة

اختي ما احب اكرر الكلمة .............لكن باقول لك عن حل والحمدلله فاد معاي

تدرين استمري على الكلام الحلو الحلو اللي يعبر عن الحب الشديد والولع فيه

واطلبي منه بالاوقات اللي تكونون منسجمين ورايقين يقولك كلمة حلوة

ترى بعض الرجال مو متعودين على الكلام الحلو من عند اهله

وبعضهم يستحي ............لكن عليك انتي تكسرين حاجز الحياء او الجدار النفسي

قطعة قطعة .............

وكل مناسبة اطلبي منه يقول لك كلام حلو مثلا قولي له( قول لي جزاك الله خير ياحياتي)خليه ينطقها مباشرة امامك وهكذا

ومباشرة شجعيه وبيني له فرحك وانبساطك وزيادة محبتك له لما يقول لك هالكلمات

وعبري له مثلا انك تضمينه مباشرة وتقبلينه بحرارة وتبادلينة كلمات الحب

صدقيني بيتعلم وبيتعود وبيحس بأثرها عليك وعليه وبيزداد تشجيعا

ولا تقولين ما ابي اقول له او ما ابي اطلب منه موحلوة احلى تجي منه ترى هذا غلط

وهذا مدخل من مداخل الشيطان ليبعد الحبيبين عن بعضهم

صدقيني هاللي ذكرته انا سويته وكانت النتيجة والحمدلله طيييييبة

الله يوفقك ويسعدك يارب

تحياتي .