سم الله الرحمن الرحيم
أحب زوجي وهو يحبني لكنه قاسي علي قسوة تتعبني يعني إذا زعل يكبر الأمور وما ياخذها ببساطة .وحتى هو يقسى على نفسه في تعامله معي مثل مايكلمني وإذا نام وأثناء نومه يتكلم ويقول انا أحبك وأؤكد لكم إنه نايم وغرقان في نومه .
قاسي في كلامه معي إذا زعل وهو يعترف إنه قاسي معي هذا مايقوله والسبب هو لمصلحتي ما أدري أي مصلحة أجنيها من هذه القسوة .
في داخل نفسي أعرف إنها ماهي صحيحة هذه القسوة ودايماً أقول له إن هذه القسوة ماراح تجيب فايده ولو إنها صحيحة كان أتحلت جميع مشاكلنا .
أتمنى إنه يحس فيني لأنه دايم وده أحس فيه وأراعي مشاعره بس كيف وده ياخذ وهو مايعطي فهو دايم يقول عمرك مافهمتيني وهو يعترف إن طبعه صعب ومتعب .
دايم أقول له كلام حلو أدخل في حاله إذا زعل أحاول قدر الإمكان إنه ماينام وهو زعلان بس الله يهديه مايرضى إلا بصعوبة .
بس ماأدري هل الرجل إذا شاف المرأة تجري وراه وغايتها رضاه يتمادى .
أرجوا إفادتي بالحل لكسب الراحة وكسب قلب زوجي أكثر وأكثر .