[ حاولي تكسبي زوجك وتبينيله انك عاقله ومخك كبير وهو مع الوقت (لو انتي بطلتي تشتكي من اهله) هيلاحظ اي حاجه غلط وهياخد باله لو حد دايقك وصدقيني هتكبري في نظره جدا وبدل منتي تدافعي عن نفسك هتلاقيه هو بيدافع عنك
ونصيحه من اخت ليكي حبي اهله كلهم من قلبك وماتشتكي من حد فيهم واحسني الظن وعامليهم بالمعروف من غير اختلاط يعني لو جمعك بيهم موقف بلاش يشوفو تكشيرتك وتذمرك من وجودهم معاكي
لان انتي لو حبيتيهم من قلبك ده هيبان على وشك وفي تصرفاتك وهتلاقيهم هما كمان حبوكي وميعملوش حاجه تدايقك........من القلب للقلب رسول
وحتى لو محصلش ورجعو يدايقوكي ويستفزوكي او مكرو بيكي عند زوجك فافتكري دايما قول الله تبارك وتعالى
(ولا يحيق المكر السيئ الا باهله) صدق الله العظيم
واخيرا لا يصح الا الصحيح ولو عملتي خير هتلاقيه(ومن يعمل مثقال ذرة خيرا يره ومن يعمل مثقال ذرة شرا يره)
ربنا يوفقك ويهديلك زوجك واهله يارب