اشكر للجميع ردودهم وتفاعلهم معاي لكن قبل ما ارد على كل من تفاعل مع وضعي............
اريد اوضح بعض الامور لان فيه من ظن اني انا اتكبر على النعمه وفيه من وصفني بالانانيه لاني افكر بنفسي؟ وفيه من ظن اني على طول اعلنت الاستسلام بدون وقبل ما افكر بالتغيير

انا العكس تمااااااااااااما

السنتين الاولى من زواجي حاولت بكل الي اقدر عليه اني اغيره واغير من احاسيسي اتجاهه عن طريق التمثيل بالحب

لاني سبق وحظرت دورات في علم البرمجه واعرف انو الايحاءات السلبيه تاثر بشكل واضح وسلبي على شخصية الانسان

اعطيكم على سبيل المثال عن محاولاتي

في المعاشره الزوجيه وصل فيني الحد اني انا الي اسوي كل شي من ناحية المقدمات وكنت على امل انو يتعلم مني لكن هو اعجبه الوضع لحد ما وصلت لحد المللللللللللل وانعدام الرغبه وعلى فكره صبري على هذا الحال دام مده طويله وجربت معاه اسلوب المصارحه بطريقه لبقه لكن هو يسوي بعض الاشياء لفتره وبعدين يرجع لنقطة البدايه


من ناحية الاهتمام بالنفس فانا الي كنت انبهه انو ملابسه قديمه ولازم يجدد وانبهه على الحمام والعطر و و ومازلت الى الان وانا الي اعطره واهتم فيه..................
بس بجد بديت امل واقرف من هذا الوضع

من ناحية الكلام والاسلوب فيما تكلمت ويما ناقشته فمثلا اذا هو تكلم على الجوال يتفاعل مع المتحدث ويعلي صوته بشكل غير طبيعي ومنرفز فلمى اقوله يخفض صوته يقولي هم ما يسمعون ......!



اقنعته انو يكمل دراسته الثانوي وفعلا كمل لكن للاسف هو كمل على شان الدرجات وبس مو على شان العلم والثقافه ومع اني عانيت طيلة فترة دراسته لانو بالنهار عنده عمل وبالليل يدرس وانا اكون وحيده طول اليوم بالبيت مع انو طبعي اجتماعي لكن صبرت وتحملت لحد ماخلص وكنت اساعده طيلة فترة الاختبارات واشرحله كل المواد
لدرجة والله كنت احرق اعصابي على شان اوصله المعلومه وهو احس انو مو مهتم ........



حاولت اني اطور من اسلوبه لاني لاحظت في هذا المنتدى اقلام رجاليه واعيه ومثقفه وفيه كثير من الي يسالون عن طريقه او وسيله لاسعاد زوجاتهم
واثرت فضوله مره بموضوع معين وخليته يطلع على الموقع لكن كانت هذي اول واخر مره يقرا فيها اي موضوع بهذا المنتدى

اذا طلع على الانترنت فهو يطلع فقط على شان الالعاب ويمضي ساعااااااااااات لدرجة اني لو اكلمه احيانا ما يحس بوجودي او كلامي
اذا فتح التلفزيون ما يتفرج الا بالمباريات اما المواضيع والبرامج القيمه فهذا من سابع المستحيلات
احس انو تفكيره سطحي وفاقد الثقه بنفسه وما ادري كيف اعززها فيه؟

وهذا موقف من بعض المواقف
لمى نروح لاي مطعم واكون بكامل زينتي وجهي مقابل وجهه تلاقيه فجاه يطلع جواله ويجلس يلعب بالالعاب
اعتقد هذا التصرف يخليني اشك مليون مره بحبه لي

******************************

انا اعتقد انو اي امراه في هذي الدنيا تحب انها هي الي تتعلم من زوجها مو العكس......... بالله عليكم كيف اقدر احس برجولته وكيف احبه او احس فيه اذا كانت صورته قدامي مهزوزه ؟


********************************


هذا جزء من كم


لكن ومع كل العيوب الي ذكرتها قبل شوي الا اني مستحيل انكر عليه طيبة القلب والاحترام والكرم والاتزام