حبيبتي كبريائي انتي اولا زي ما قلتي لسة صغيرة
انا حبيبتي ما تقدملي عرسان الا بعد ما خلصت الجامعة بفترة ومن اول ما طق اول عريس الباب ما عرفنا نسكروه ما شاء الله و الحمد لله وما رح احكيلك العدد احسن ليحكو اني بتفاخر
بس انا بدي اوصل لفكرة معينة
المهم حبيبتي انا كنت على وشك اني انخطب وكنت معطية موافقة مبداية لاهلي عن اخر عريس لانو ما شاء الله عليه ممتاز الله يرزقو الزوجة الصالحة الي تستاهلو المهم ،،،،
وكان اخر يوم استخارة الي(انا كنت لازم استخير على كل عريس سبع مرات) خلص ما حسيت بشيء فقلت شكلو هاد هوه نصيبي ، اتصلت فيي صديقتي تسالني عن احوالي واخبرتها انو ممكن انخطب هاليومين، وهي على علاقة باهل محمود خطيبي الله يخليلي اياه وماه يحرمني منو وكانت بتعرف انو محمود بحبني وبدو اياني من ايام الجامعة المهم سكرت معي واتصلت فيهم عشان يخبروه ، وعلى طول لما عرف خلا امو تحكي مع امي وصار النصيب وكان كل فترة خطوبتنا من ساعة ما اتصلت امو بامي يومين شفتي النصيب كيف يعني كنت خلص رح اوافق على الاول بس النصيب هو الي بيحكم وصدقيني لما تستخيري الله بختارلك الاحسن وبكون هوه احسن نصيب

انا حكيت كل هالحكي عيني لانو انا كنت زيك وانا اقل من 22 ما حد تقدملي وصاحباتي ينخطبو ويتزوجو واحنا لسة بالمدرسة ، بس والله لما بد يجوني العرسان كانو مو ضايل بنات في العيلة او بالدنيا غيري ما شاء الله والحمد لله
فلا تاخدي ببالك انتي لسة صغيرة واتاكدي انو ربنا رح يبعتلك نصيبك ورح يكون هوه الافضل الك صدقيني لانو كل انسان في الدنيا نصيبو بستناه فلا تستعجلي

__________________
[CENTER]لئن سئلتني يا رب يوم القيامة عن ذنبي لاسالنك عن رحمتك
ولئن سالتني يا رب عن تقصيري لاسالنك عن عفوك
ولئن قذفتني في النار لاخبرن اهل النار اني احبك
كفاني عزا ان تكون لي ربا
وكفاني فخرا ان اكون لك عبد