محد ضدك حبيبتي.. من حقك تطلبي الزواج بس اللي لفت انتباههم انك بتلقبي نفسك بعانس وانت لسه اول امس اتخرجتي من الثانوي ولسه توك تدخلي 3 جامعه يعني تو الناس على كلمة عانس حرام تحملي نفسك صفه اصلا ماهي فيك.. انتي لسه صغيره انتي لسه في اول عتبة من اعتاب[U]العشرينات[U] اجل ايش خليتي للي فعلا تأخروا بالزواج؟

يمكن عندك ظروف صعبه بالبيت تتمنى تخرجي منه او كل اللي حولك متزوجين (رغم انه اعمارهم صغيره) فاعطاك ايحاء انك كبرتي وخلاص عنستي والقطار قرب يفوت..اتخيلي لو اتزوجتي وعمرك 25 سنه؟ يعني حتعيّشي نفسك في هذا التعذيب كمان 4 سنوات؟
ولا تقولي عشان انا ماجربت الاحساس..بالعكس جربت امه وابوه واتزوجت وانا عمري 24 سنة يعني مريت بعمرك لكن انا عارفه انتي بنت منتي لعابة ما عندك يمين وشمال عشان كذا تبغي الحلال والله يعطيك الحلال باقرب وقت بس ارجوك لا عاد تقولي عن نفسك عانس او تحطي نفسك في عالم العوانس..

وانا ما اقولك هذا الكلام الا من محبتي لك رغم اني ماعرفك شفقت عليك لانك كثير تقسي على نفسك وفقك الله الى ما تحبي.. ارجوك لا تزعلي مني..

__________________