أحس بنوع من الإطراء كونك أخوي الفاضل أعدت طرح جانب من موضوعي..ومشكور على المبادرة اللي تهمنا كثير كون فيه رجال يتأثروا بهذا الكلام وهذي المعاناة ويحسوا بالقهر والظلم والعذاب اللي نعيشه
ومهما كتبنا صدقني مارح يزيل الآلم لكن مشاركته مع أحد يخفف عنا شوي..لما أعرف إن فيه أحد بهالعالم يدري بأن فيه بنات أمثالي انظلموا ومالهم ذنب إلا إنهم حاولوا يكونوا أسره وبيت ويعيشوا مع رجل حنون محب يحمي ويساعد ويحتضن كل المشاعر...
وبالنهايه انصدمت بوجود أشخاص مرضى أمثال طليقي والآن سنين عمري تروح من يديني ومالي حيله وأنا جالسه في بيت أهلي أصارع عيون الناس وكلامهم وأسئلتهم ليش للآن ماتزوجت
أسئله سخيفه وتافهه..لأن أغلب الخطاب مع احترامي للجميع..فاشلين,,المفروض إني أقبل بأي شي..عارف ليه؟؟ لأني مطلقه
...عفوا..أنا مو مطلقه أنا خــــــــالعه..رميت الفلوس بوجهه والقاضي قال له مانت مطلق إذا يافلانه روحي وانت تحرمي عليه من اللحظه هذي..وبكذا الآن جالسه هنا..كل ليله أقسم بالله أحاول ألهي نفسي عشان أزيل خيالات الرومنسيه اللي كنت أرسمها دائما..أحاول أنسى وأخفف نبضات قلبي اللي تتسارع لما للحظه أغمض عيوني وأتخيل إني مع إنسان محب حنون شهم...كل ليله أبكي لربي ,شاكيه له قلبي اللي ماعاد قادر على الوحده..مع إنه طول عمره كان وحيد..بس الآن يمكن صرت فاقده الأمل أكثر( والأمل بيد رب العالمين) بأني ممكن أتزوج رجل ماعنده عيال أو زوجه ثانيه أو مدمن أو غيره..
همس ماهي همس القديمه......باختصار
صارت بنت مجروحه..وهي السبب..جرحت نفسها بعواطفها..بقلبها اللي موراضي يفهم إنه ممكن يظل وحيد حتى لو جسدها بيوم كان مع رجل
أشكرك عالموضوع أخوي

__________________