السلام عليكم ورحمة الله وبركاته ...،

أختي الكريمه أعانك الله ...... كثير من الحالات وكثير من الأشخاص اللي ما يدركون الحب تعلمو من الدنيا وكثير من اللي ما يملكون شهاده وعلم وثقافه ولاكن يعرف ان هذي زوجته وأم أولاده يحبها ويحترمها ويقدرها مثل ما تبادله الشعور
شخصية قويه وعنده الثقه بنفسه ولاكن للأسف سمعنا حالات كثيره وغريبه منها تحديات بين الأصدقاء منو اللي يقدر يسيطر على زوجتك ياخذونها بشكل مزح وفي بعض الأشخاص يتعمق في الشخصيه هذي ولمى يرجع الي وعيه ما يقدر يرجع الي شخصيته الأصليه بتفكيره بأن زوجته راح تاخذ منه موقف وتكره مع العلم لو يبادرها في الحقيقه راح تفهمه وتحبه على صراحته.......وفي بعض العائلات هداهم الله يتمنون الي أولادهم السعاده بشكل خاطئ لا تقعد في البيت بالساعات حاول تخلي وقتك أكثره برىالبيت ولا تسوي حق زوجتك كذا ولا تشتريلها كذا ولا تجيبلها كذا ورها العين الحمرا لا تصير خاتم في أصبعها والرجل تاه في أفكاره وتعقدت أموره للأسف هذا غلط ...صار خلاف مع واحد أعرفه مع زوجته لمدة أربع أشهر وأكبرت السالفه وبالنهايه أرجعوا الي بعض والمشكله شنو يا الزوج العزيز زوجتي مو صريحه معاي ليش ما تكلمت مع زوجتك أو أهلك يقول ما أهين نفسي قدام أمراة للأسف وين الصراحه والتفاهم شنو ذنب زوجتك اللي تبي رضاك وسعادتك وحضرة جنابك مو راضي تنازل وتقول حق زوجتك شنو اللي مضايقك ومتعبك هذا للأسف كبرياء وشخصيه ولاكن مبنيه على غباء وجهل........عندي خلفيه كبيره عن الأمور هذي بين الزوج وزوجته وبين اللي يصير في بعض العائلات مع العلم اني صار على زواجي سنه والحمد الله وناطر ولي العهد انشاء الله ولاكن مرت على فترة ستة شهور غريبه مشاكل صغيره وتكبر بشكل رهيب وتختفي بلحظه وفعلا عانيت كثير بالنهايه والله يكفينا ويكفيكم شرها أمين يا رب تبين انها عين والعياذ بالله صايبه زوجتي الحمد الله وبفضل من الله سبحانه وتعالى أبعد هذا الشر والحمد الله ولاكن أبين ان لازم يكون في الصبر والتفهم وعدم الأستعجال في الأمور وأنت بم انك رجل فهذا الهدوء والسيطره على الأمور من أختصاصك.... في شغله غريبه عند الأزواج ما أدري عيب أو احراج يعني يا أخي أطلع مع زوجتك استانس وياها روحوا المطاعم أسواق سينما تمشوا على البحر شيل التفكير الغريب منك والضيقه والكدر والهم أهلك لا تقصر وياهم أمك أبوك أخوانك خواتك....... وربعك لاحق عليهم لاكن بالنهايه مع مرور السنين من اللي يبقالك مو زوجتك وأولادك ......أدري اني طولت في الموضوع ولاكن ما أحب أكتب نقاط معينه أكتب النقاط من ضمن الموضوع.
وعسى الله يهدي زوجك انشاء الله ... تمنياتي لك بالتوفيق ... أخوك في الله .