أخي الأمير : اعجبني ردك الجرييييييييء
المشكلة اني ما أقدر أقعد معها جلسة مصارحة مع أني كنت ناوية قبل العرس بس كانت ( مشغووووولة!!!!!!) والمشكلة الأكبر أني أحس أنها ما رح تتقبل مني يمكن لو كانت صغيرة كان عادي ..
وأنا فكرت اني أقولها سويت لزوجي كذا واشتريت لزوجي كذاااااا بس مشكلة ما ألقاها تعتقدون بالهاتف أكلمها كذا عادي..
على فكرة اللي يكلمها بالجوال يفهم كانها ما تبغاه أو أنها حزينة .. بس كلمة ورد غطاها بسرعة ثم سكوووت حتى أدبر انا سالفة..وهذا من زمان حتى قبل ما تتزوج .. ولا يدخل عقلها شيء بسهولة
أنا قلت لها بس في المذكرة اللي كتبها لها قلت لها عبد الله يحب الرومنسية والحنان ....الخ وقلت له كيف كسبت أنا زوجي مع ان راسه نفس راسها تقريبا بس أطيب من كل أخوانه اللي يخليه لي ولا يحرمني منه مع انه أحيانا يرفع ضغطي من سوالف معينة بس كذا الحياة ما في انسان كامل وهذه طبيعة الدنيا .. صح ان الجفاء من الرجل مصيبة ولكن الجفاء و الخشونة من المرأة مصيبتين لآن من طبع المرأة الرقة والحنان والحب و...الخ

وأشكرك على أ فكارك الجميلة: بالنسبة إني أكلم أمي ؟؟
فهذا فيه نظر لآني أتوقع أن امي رح ترفض فأمي ليست شخصية مبادرة و أكاد أجزم أنها سترفض لأنها ليست جريئة و هي حساسة جدا من هذه الأمور .. بس بجرب إذا استفدت الحلول ثم أني امي اتوقع لو تدري انها تسوي بأخوي كذا .. بتزعل و يمكن تكرهها مع ان هي من اختارتها لآخوي..هذه أمي عاجنتها وخابزتها الله يحفظها.. وأمي إذا كرهت أحد يا ويله ما ترضى عنه بسهولة ..
اما بالنسبة إن اخوي يكلم أمها فأمها كبيرة في السن و هي معودة أو هم اعتادوا على أن يتخذ أبناءهم قراراتهم بانفسهم ... يعني ما شاء الله شخصيتها هي وأخواتها قوية حتى على أبوهم وأمهم .. حتى إذا كانوا مختلفين في حاجة لازم القرار النهائي يطلع للأبناء ..بس هذا الحل بخليه تحت النظر إذا اسنتفدت الحلول ايضا .. ويااااارب اخوي يتجرأ .. إذا قلق وخاف من زوجته كيف بأمها !!!..
من ناحية الراوائح :::: أخوي ما مقصر يشتري لها عطورات بالهبل ونادر ما يروح عندها وما يجيب لها أغلى العطورات بس لازم الواحد يستحم بعد ما تشتغل خاصة لو كان الجو حار او رطب يعني هي زي أخواتها لو تغيرت ريحتها في الليل ما تتروش إلا في اليوم مرة وحدة .. و أستغفر الله العظيم
كيف أقنعها انها تتروش كل ما تتغير ريحتها و هي شكلها من الناس ذوو الإفراز الشديد .. يعني ما تصدقون حتى في يوم العرس كانت لها ريحة وأنا رشيت عليها بعطر قلت علشان أنتي عروسة لازم ريحتك نفاذة وأنا قصدي حاجة ثانية ..الله المستعان


اختي فيافي نجد : الله يحفظك ..والله خوفي مع السنين هو اللي يمشي وراها وعلى فكرة ..ترى امي خايفة انه يسمع و يسعى لرضا حرمته و ينساها ( أقصد أمي ..خاصة أن أخوي هذا له مكانة خاصة عندها لآنه هو الوحيد اللي يدخل السرور إلى قلبها خاصة مع وحدتها حيث ان ابوي توفى ونحن صغار.. و دايم تمدح فيه و تقول إذا .. تزوج بأروح معه .. تحسب الحياة وردية زي ما توقعت .. بس بصراحة انصدمنا لما قالت له مرة .. مو لازم تكلم أمك ولا أخواتك حتى انا ما صرت أكلمه كثير .. طبعا الحمد لله أمي ما وصلها هالخبر بالذات إلا كان ماتت من هول الخبر .. وحتى لما كان يجينا يقعد معانا في بيت العائلة في بس يومين كانت تدق عليه وهي في مدينة ثانية و تقول يلا بسرعة تعال .. وامي تزعل .. تقول ما تخليه ترتاح .. كيف بعد الزواج شكلي ما رح اشوفه.. طبعا من أسباب انها تطلبه يروح بسرعة عشان ينزلها و يطلعها في هالأسواق خاصة مع قرب العرس وأخوانها كثيرين بس ما يودوها .. كلهم يقولوا لها قولي ل(......) وهو يا عيني عليه كان يطير طيران عندها لما تكلمه يروح .. نفسي يكون له كلمة و قرار حاسم .. الله يصلحهم و يلطف بحالهم .. المشكلة بعدييييييين مع انجاب الأطفال ومع مرور السنين.. هل رح يتغير كلامه مع امي .. لآن حتى أمي هالأيام تقول ما صار يكملني زي أول التهى مع مرته .. كيف لو يتاخر ما يروح لها .. كيف ؟؟؟؟؟
معليش انا ابي أفضفض لكم وفي نفس الوقت أبغى منكم المساعدة ..

ولكن هل تؤيدوني أن أكتب لآخوي في مذكرة علشان ما ينساها بس خوفي تشوفها في وفي هذه الحالة رح يكون ردها مقاوم ورح تنشر الخبر بين أخواتها ..وأنا ما ابغى مشاكل مع اهل زوجي مع اني عارفة أن زوجي رح يوقف معي لآنه حتى هو قال معروف عائلته صارمة قوية تريد كل شيء على رأيها و رح يمنعني أني حتى أكلم أخوي .. لكن لأ ما أتوقعها منه هوا الحمد لله طيب و يحبني كثير .. أعرفه هو ماشاء الله أفضل شخصية في عائلته بشهادة أمي وأخواتي وأخواني جميعااااا .. الله يخليه لي ولا يحرمني منه ويرزقني منه الذرية الصالحة و يجعله يتحمس لعلاجي من تأخر الحمل و يهديه يقولي كلمة أحبك لآنه قلييييييل يقولها لي مع أني عارفة انه يحبني بس أبغى أسمعها منه و أبغاه يعبر عن شوقه لي ..
يلا نسيت نفسي قلبت المواجع كلها .. الحمد لله رب العالمين


اختي حلوايا: بوركت على الرد ..أنا قلت لزوجي زمان اثناء فترة الملكة و قال وش دخله .. ثم أنها الحين مقاطعة زوجي ( أخوها ) لآنه ما حضر زواجها ..يعني زعلانة عليه



أختي الشقة : بارك الله فيك وكثر من امثالك ..
بالفعل يحتاج أخوي نوع من الصرامة والحزم من غير شدة .. قلت له مرة وحدة لكن ما أحس أنها سواه ..وهي ليست صغيرة وعندها أخوات كثيرات متزوجات و شخصيتها نفس شخصيتهن .. ولم نتأكد إلا بعد فوات الأوان ..
هي تبغى رأيها اللي يمشي.. شكلها ما صدقت اخوي يمشي لها رغبااتها .. حتى اخوي الكبير قال .. تحمد ربها انها لقت واحد يتزوجها .. و الله ما في احد ينفذ لزوجته كل اللي تبغاه إلا أخوي ..
أخي الكبير قال هذا الكلام بعد ما صارت مشكلة بين اخواني واخوانها في نفس يوم العرس لمشاكل تافهة جدا جدا و أخواني وقفوا مدهوشين .. سووا مشكلة من شيء ما يستاهل ..طبعا قلت لكم هذه العائلة كل فيها يبغى رأيه اللي يمشي وطز في الباقين .. والله يوم العرس انقلب بالنسبة لعائلتي إلى يوم حزين لآنهم واستحوا كمان من الناس .. وحتى أخوي كان مرة متضايق في هذيك الليلة .. وخلها على ربك ما خفي كان اعظم .. على فكرة ترى هذه ليست شكوتي أنا بل حتى زوجات اخوان زوجة اخوي يعني زوجات أخو زوجي يشتكوا من نفس شكوتي ان هذه العائلة قوية وعصبية و حازمة و نظامية لآبعد حد و تبغى كلمتها هي اللي تمشي

أخي رومل : جزاك الله خيرا .. أنا قلت لكم كل شيء علشان تساعدونا
لم ابريء أخوي أعرف أنه ضعيف مع النساء ولكن اليس من حقه الابتسامة بعد عناء العمل أليس من حقه أن تتأنث له زوجته ليحس بروجلته هو .. في المقابل هو غلطان و ضعيف شخصية قدامها هي بس ... ليييش و ش حظرتها
أنا رحمت أخوي أبغاه يستقر .. نبغاه يترك السهر والدشرة ويترك زملاء السوء ليجد في بيته الراحة والحضن الدافئ اللي يستوعبه .. الحمد لله على كل حال ..

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب