الصراحة حبيتكم يابنات وحبيت اخدمكم لاني مريت بأوقات يجوني ضيوف على غفلة ومايكون عندي شي يرفع الراس يعني كله جاهز / المهم الحلى ماياخذلتحضيره اكثر من ربع ساعه اذا مقاديرك جاهزه طبعا

الحلى اللي بقدمه لكم هوووووووووووو

حلى بطعم الايس كريم
المقادير:
في الخلاط ضعي
كاسه حليب سائل
حبه قشطة
2ظرف دريم ويب
ويخلط جيدا

هاتي قدر صغير وضعي فيه
حبه بيضه
فانيليا
نصف كاسه حليب سائل
1كريم كاراميل
ضعي القدر على النار الى ان يثقل مثل المهلبيه

شيلي القدر من على النار وصبي محتواه على الخليط الاول اللي في الخلاط واخلطيه مره ثانية وصبي في صحون حلوة صغيرة وزينية وحطيه في الثلاجه ولايحتاج وقت. كفايه بس يبرد

ممكن ترشيه بكاكاو حلو او مكسرات او اي شي تحبيه وبالعافية
ملاحظة منقول من منتدى حواء
صار عندي رغبة شديدة ادور كل شي سهل وحلو وسريع لعيونكم.مع تحياتي لاتنسون تقدمونه لاولادكم واعملوا الزينه اللي عليه اشكال اضحكوا عليهم علشان ياكلون