السلام عليكم و رحمة الله و بركاته ....
انا تزوجت من سنتين و الحمد الله ريلي ما يقصر في شي الامور المادية ...
و انا الحمدالله امراءة متعلمه و جميله و احب الزين بس ما احس ان ريلي يشوفني جميله ابدا من اخذته يوم اتزيت و اتعدل عشانه ما يقولي شي ابدا و لا مجامله و لاهم يحزنون اول ما اخذته انصدمت كيف جذية ما احس اني عروس كان يوم يريد يطلع مكان كنت احاول اغرية عشان يقعد عندي يخليني و يروح ..........

بعدها حملت و الحمد الله الله رزقني بولد بس الحال ما تغير لدرجه تميت ما اهتم بترتيبي و و لا اتعدل عشانه و لا البس لاني زهقت احس انه عادي تلبست و تزيت و لا لا....

حتى ما يحب يطلع معاية و لا السفر و دايما يتهرب مني مع انه يحبني و يحب و لده بس وااايد غامض اريد اعرف شو اللي في قلبه ما اقدر ....

اخااااااافه يطفش مني لاني ما تعدل ديما بس حز ةطلعنا و لادق في بالي بس عشانه لا انا واااايد احب اتعدل و اتزين بس من تزوجت تغيرت ما ادري شو صار احاول اجذبة بامور ثانية بس نفس السالفه ما ادري شو اسوي و كيف اخلية يتعلق فيه حتي الكلام في التلفون اروح بيت اهلي اسبوع يكلمني دقيقه و يسكر يوم اكلمه كلام حلو يقولي بعدين ما احسة يشتاقلي و لا شي و يوم اقوله يقولي انا احبج و اموت فيج بس فعل ما شي انا رومانسية زايده عن اللازم و هوه ما اعرف شوه....؟!!!! دخيلكم ساعدوني ما اعرف اتصرف كل الطرق سويتها بس ما احس في تغير يوم اقولة شو اللي في قلبي نفس الوقت يتغير بس بعد ما يصحى من النوم كل شي يطير في الهوا ....