كل واحدة وهيه بنت بتتمنى شكل او شخصية لطفل معين يكون ابنها
ممكن ده يحصل وممكن لا
انا ربنا رزقني بطفل كما كنت اتمنى تماما شخصية مرحة وسيم جدا بجد رائع لدرجة لا مثيل لها
في اي تجمع عائلي تجدوه هو محط الانظار ومحور الحديث والمرح لدرجة ان جاراتي وهن امهات يطلبون مني ان ياخذوه معهم لانهم يحبوه ومدرساته في الحضانه عندما اذهب لاخذه يطلبون مني ان اتاخر الى اخر اليوم حتى يظل معهن اطول وقت ممكن وحتى في الاماكن العامة اجد الكل كبار وصغار مهتم به
ولكن المشكلة داخلي انا فهو له اخ اكبر منه بعام عنده 4 سنين
انا لا افرق في التعامل معهما ولكني بصراحة حاسة بذنب جوايا
انا مقدرش انكر بيني وبين نفسي اني باحب الصغير اكثر
لو سمعت الاتنين بيبكوا باجري عشان اطمن عليه الاول
الكبير بيحبه جدا وحساس اوي خايفة لما يكبر يحس في نظرات عيني باللي باقوله ده
رغم اني عمري ابدا ما فرقت بينهم في المعاملة
تفتكروا انا بحبي ده باظلم الكبير؟
تفتكروا ممكن الكبير يحس رغم اني لا افرق؟