أنا ماصار لي كثير متزوجة شهرين و نص و حامل بالشهر الأول


بس عندي مشكلة مطفشتني مع زوجي هي الإحباااااااااااااااااااااااااط



أنا أحب زوجي كثير و من حبي له مستعده اسوي كل شي عشانه



أيام الملكة سويت له حفلات كثييييييييييييييييير و ما خليت مناسبة ما جبت له في هدية عليها الكلام


حتى شهر العسل قلت له خليه علي لانك تعبت في البيت و مصاريف الزواج




و مهتمة ببيتي ونفسي كثيييييير و الحمد لله مع اني اشتغل و دوامي 9 ساعات باليوم

و ارجع من الدوام اطبخ لزوجي مو اي طبخ

و كثير اهتم بتزيين الاكل و الحركات الرومانسية في تقديم الاكل



و كل ما احد يزورني من اهله ينبهر بالاكل و الحركات اللي اسويها

ويقولون ماشاء الله ولا اوتيل 5 نجوم


وزميلاتي في العمل كثير يمدحون شكلي و لبسي و اناقتي





أدري طولت جينا للزبدة




مع كل هذا ما اسمع و لا اي تعليق من زوجي


و لا على اي شي



و اذا سالته و قلت له "ما علقت على شي يعني ما عجبك ولا شي ؟؟"


ابتسم ببرود و قال "جيد"


انا ساعتها اندم على الساعات اللي و قفتها في المطبخ و اللي قعدتها قدام المرايا اتشيك له


واقول يعني مو كفاية جاية من الدوام و اطبخ و انظف و البس و ارتب البيت و بعد كل هذا

حتى "يعطيك العافية" ما اسمعها منه


بصراحة انا صار عندي احباط و ماتت عندي الرغبة في اني اسوي عشانه اي شي


مع اني احب الابداع في كل شي


لكن تعليقاته الباردة قتلت كل شي في نفسي ...


حتى الشعر و الخواطر اللي كنت اكتبها و ابدع فيها كرهتها من اسلوبه البارد

...


ما ني عارفة كيف اتعامل معاه بصراحة ...



أتمنى تساعدوني