نقلت لي احدى الاقارب هذه القصة وحبيت اشارككم فيها للاستفادة منها
وبالخصوص أخواني المتزوجين.

كان هناك زوج مؤمن وطيب مره ويعامل زوجته احسن مايكون .


هذا الرجال اختاره رب العالمين وتوفى بعد عشرة سنوات مليئة بالتفاهم والمحبة والاحترام.


للحين كل شي تمام.

الي صار ياجماعة الخير انه بعد مدة من وفاته . شافه واحد من جيرانهم في الحلم. وساله عن أحواله وشلونه في عالم الاخرة . واذا كان مرتاح ولا مو مرتاح؟

رد عليه انه مرتاح والحمدلله بس في شي مضايقنه. كل يوم تجي عقربه تعضه برجله . ويبقى يتألم مدة وبعدين يخف الألم
فسأله ليش هذي العقربة مأدتنه





تدرون ويش كان الجواب شي لا يصدق.


قال هذا عقاب اليه لأن مرة من المرات كان على الغدا ويه زوجته وكان الأكلة مو مضبوطة فصار يعيب عليها وعلى الطبخة , وهي زعلت وحطت بقلبها وسكتت . وهو ما اعتذر ليها بعدين . وعشان كده صار هذا العقاب ليه.




فطلب صاحبنا من جاره يروح لمرته ويطلب منها تسامحه عشان الله يغفر ليه.


طبعا مرته سامحته وهو حصله هذا العقاب لانه ما اعتذر لمرته عن هذا الموقف وهي انجرحت منه.

كتبت ليكم هذه القصة عشان نحاسب نفسنا على كل كلمة قبل ما ننطق بها وما نزعل شريك حياتنا واذا صار وزعل منا نحاول قد ما نقدر نرضيه .

لان الله سبحانه وتعالى مو بغافل عنا وعن أعمالنا وراح يحاسبنا عليها .


والله يهدي الجميع .

أختكم فيزياء