السلام عليكم ورحمة الله وبركاته...

هذا اول موضوع اكتبه في عالم المنتدى وارجو انكم تتحملوني وتصبرون علي عشان انا وحده مااعرف اعبر اتفقنا


المهم ياناس انا مادري شنو صاير فيني موقادره اصلي ولا اقرا قرآن اصلي لاني مغصوبه والله العظيم هالموضوع دمرني والله اتمنى اني اموت احس روحي جاحده...

ولا دايما اشغل السياره واحط سورة نوح(مالكم لا ترجون لله وقارا) احس روحي احط انسان انخلق على الارض..


حتى برمضان ابي اسمع اغاني مادري شفيني استغفر ربي واتعوذ من ابليس ومااسمع...

مع اني والله من انا عمري 13 سنه وانا اصلي واقرا قرآن واقيم الصلاة بس مادري شنو صار فيني...


انا على هالحال من وفاة ابوي قبل سنتين وانا انقلب حالي ياناس الشيطان قاعد يوسوسلي يقولي ابوج كان انسان تقي ويخاف ربه وقيام وصدقات وشوفي شنو صار في سرطان وتعذب قبل ما يموت وخلا ورا ايتام...

والله ياناس اني اقوم على صلاة الفجر عطشانه ابي اشرب ماي بعدين اقول اذا قمت رح اصلي خليني ارد انام تخيلو.

دايما قلبي يعورني وما انام كله قاعده بغرفتي وقاعده بفراشي بالظلمه واتنح ومافي ببالي ولا شي واخاف افقد امي صايره افكاري سوداويه حتى الناس يسألون اسوم شفيج؟؟ اسوم مريضه؟؟ودوها حق مطوع يقرا عليها؟؟..

قلت حق اختي قالتلي عين.....

شنو عين؟؟؟استغفرالله الا هذا شيطاني الله ياخذه يارب...

انا مادري ليش قلت قصتي بس الله يخليكم ابيلكم تدعولي ان الله يهديني والله مادري اذا مت شلون بواجهه ربي؟؟؟


واسفه اذا طولت عليكم وادعولي الله يخليكم


والله اني اعتبركم اهلي وفعلا احبكم في الله واذا دشيتو موضوعي ومالقيتو شي تقولونه قولو بس

الله يهديج ....

ارجو انكم ماتغيرون نظرتكم لي لاني وايد نصحت ناس والحين انا تقريبا في نفس المشكله وتحسوني منافقه....


تحياتي[/COLOR[/SIZE]][/COLOR]

__________________
[poem font="Simplified Arabic,5,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انت حبك شي مااقدر علية=كن حبك ضيف والقلب بدوي

انت حتى الجرح منك اشتهيه=من غلاك اضمى عذابك وارتوي

انت بس اللي ابيه ولا اجيه=عنك حظي لاوي ذراعي لوي

صرت لي مشوار لاجيت ابتديه=ان لقيت الدرب ضيعت الخوي

انت لا سولفت ماكني هنيه=التزمت الصمت كني منطوي


ليه اسولف لك وهي من غير ليه=تعرف انك تطوي احزاني طوي[/poem]